رد: أدب الرحلات
اغيب عن الموضوع يومين برضه, وأدخل الاقى مخدرات ورحلة الى سوق الجمعة يوم السبت, ماشى ماشى.
دكتور محمد , ونعم الرد ياباشا, أنا مش هينفع أقتبسه علشان التعليق بتاعى كله هيبقى كلمة واحدة "أيه الدماغ العالية دى, ربنا يزيدك من علمه".
الأفلام التاريخية والهادفة عامة راحت عليه, الفلوس موجودة وتعمل وزيادة, بس حضرتك أختار أى شخص ماشى فى الشارع, وأسأله عايز تشوف فيلم عن محمد على أو روميل أو أو, ولا اللمبى (محمد سعد مش الجينرال) , الأجابة معروفة, فمهما كان الفيلم جامد كتصوير وأخراج وتمثيل وقصة مثيرة صحيحة تاريخيا, مفيش منتج هيعمل فيلم محدش هيخشه.
وحضرتك لو لاحظت هتلاقى المنتجين يا بيتجهوا للأفلام الكوميدية, أو الأفلام أياها, لأننا بنعيش أزهى عصور الظلام والبؤس, ومحدش عايش حياة تراجيدية سوداء وهيروح يدخل فيلم تراجيدى.
وأنا عندى 17 سنة كمان مش 18 , لسه شهر 3 الجاى, بس أيه رأيك, دماغ ؟
وعلى فكرة يادوك النباتات المخدرة كتير جدا, وحتى ال SHROOMS لوتعرفها , وعادى يعنى اللى يكلمك قله مولوخية, بس لازم تبطل بقى يادوك, الحاجات دى مش كويسة علشانك, هاتلى أنت بس المخزون اللى عندك, وأنا هساعدك تبطل
خالد باشا, أنا التعريف اللى حطيته للألتراس ده أنا كان غرضى منه المزاح فقط وخاصة أن التعريف بيضحك على نفسه من الكلام اللى فيه ومش محتاج تريقة مننا, أنما الألتراس الأصلى موضوع كبير يتلخص فى كلمة عصابة (من تعصب).
وبالنسبة للفن, أنا مقاطعه نسبيا برضه, بس بتفرج على الفيلم علشان أنتقده وأشوف أيه العيوب اللى فيه, تفاريح يعنى, أنما أنا الفن العربى بأنواعه عامة مايسواش عندى بصلة, ماعدا طبعا الفن الحقيقى.
وأستاذ جمال ياباشا مين قال أن شخصيته كده, أنا مع رأى فطومة, هو أنسان طيب وعلى نياته, والدنيا مش فارقة معاه, عايش يعنى, وعلشان كده كنت بقول ربنا يكثر من أمثاله.
ههههههههههههههههههههههههه
انتا شيطان ولا ايه يا عم الحج ما قولنا مينفعش بعد كدا الكلام هيكون +22 يعني للكبار فقط ههههههههههههههههههههههه
والله انا عارف انك هتودينا في داهيه وهتخلي الناس تاخد عني فكرة غلط
والله يا جماعه انا برئ
|
على فكرة يا أبو الكراسير الموضوع بقى كله تلميحات, وكده مش كويس علشان صحتك, أطلع بالحكايات ماتخافش, أو أقولك حط تحذير علشان الناس الغلابة, بس أسمع كلامى وكلام محمد باشا, أحنا بنحبك وده علشان مصلحتك.
وألف مبروك على مريم, عقبال ما أخواتك يبقوا خالات وأعمام وعمات, فهمت حاجة , وتربى مريم وجينى (ولا جنى؟) على أيدك وتفسحهم بالتاكسى, غير الفسحة اللى أستاذ جمال فسحها لخالد باشا طبعا.
بمناسبة سواقين التاكسى, وحكاية استاذ جمال, سواقين التاكسى فعلا أساتذة فى فتح الكلام, ومن كتر اللى بيشوفه فى حاجات بتبقى عادى عنده ومش فارقة معاه, "رايح للمزة" هههههههههههه, بس بصراحة الولد يستاهل الضرب, وحضرتك ربيته.
بس بجد مغامرة رائعة, وفى أول أجمد 5 حكايات فى الموضوع, شكرا ياخالد باشا.
المشاركة الأصلية كتبت بواسطة احمد بدر1978
|
فاهمنا أنت كلنا يا أحمد باشا .
التعديل الأخير تم بواسطة Injection ; 19-10-2010 الساعة 11:40 AM
|