[fepsceasar]

خدوا بالكوا يا جماعة الدخول فى البورصة زى ماتش الكورة لازم اوازن بين الهجوم والدفاع، لذلك هنفرق بين نوعين من الأسهم: الهجومية ودى بتتغير بتغير النشاط الاقتصادى تغيرات سريعة والمستثمر عادة بيدخلها علشان يحقق مكاسب رأسمالية من ارتفاع أو انخفاض سعر السهم أما الأسهم الدفاعية دى بتبقى حركتها بطيئة غير مرنة ما بتستجبش بسهولة بس عادة بتوزع كوبون كويس، ودى أقرب أمثلة ليها أسهم المطاحن، وفى نقطة بنصحكوا تبقوا تعملوها من تجربة شخصية غير ملزمة لحد طبعا عادة لما السوق بيبقى طالع ويقرب على جنى الأرباح ممكن أبيع والجا للاسهم الدفاعية بدل ما اطلع برة السوق خالص لغاية ما اعرف الاتجاهات ايه هل السوق هيكمل ولا الدنيا هتنزل، لو السوق كمل ما خسرناش كتير وممكن نكسب كوبون لو السوق نزل اهو الأسهم الدفاعية ما بتنزلش بنفس المعدل مخاطرتها أقل وممكن استنى لما المؤشر يرتد من دعم وادخل تانى. طبعا اللى برة البورصة يتانى شوية قبل ما يدخل لكن ممكن اللى فى السوق بالفعل يعملها بحريته طبعا ولو حد عنده استراتيجية تانية ممكن يقولنا عليها يعنى باختصار لو المؤشر طالع نهاجم نازل نتحصن وندافع.
مستنى تعليقاتكم ورأيكم فى الموضوع لغاية دلوقتى. علشان اعرف اكمل ولا ايه