[سيف الدين سعيد]

المشاركة الأصلية كتبت بواسطة بدر بسيونى شكرا يادكتور تامر اللى بيعيب العربيات الصينى مش العربية بالعكس اللى بيستوردها هو السبب هو اللى جاب جودة اقل وهو عارف عشان يحقق مكسب سريع وكبير لكن فى ماركات صينى محترمة جدا جدا وكمان الرضيع الصينى بالنسبة لعالم السيارات لايلام مثله كمثل الدايو والهيونداى فى البدايات ونلاحظ ان معظم التوكيلات الخاصة بالسيارات الصينية توكيلات غير مشهورة لاشخاص حديثى العهد بعالم السيارات فاللى ارجوه محاسبة المستورد اللى لبيجيب عربية ومابيوفرش قطع الغيار ولاصيانة محترمة ليها

كلام سيادتك منتهى العقل يا أستاذ بدر . ياريت قبل ما نعيب على الصين نشوف احنا ياللى مجرد بنجمع السياره هنا . وصلنا لغاية فين ؟؟؟؟؟؟؟؟؟؟؟
احنا حتى لغاية دلوقتى مش عارفين نصنع فردة كاوتش . ولا كاوتش باب ولا أكرة ازاز . احنا مش فالحين غير فى المعايبه على غيرنا وبس .
يا جماعه الصين جايه . جايه . . وياريت نستنى 3 سنين بس كمان ونشوف هما وصلوا لغاية فين ... وبعدين نبقى نتكلم . ولما نتحاسب مع حد يكون مننا وبيغشنا . هو دا المجرم . الصين غزت امريكا والسوق الأوربيه ببضائعها . وهى هى نفس البضايع اللى بتجيلنا هنا بس الفرق فى درجة الجوده . وهما هناك ما بيغشوش حد . بالعكس بيعرضلك انت كمستورد كل درجات الجوده بأسعارها وانت تختار . وعلى فكره فرق السعر ما بيكونش كبير . بس احنا يا مصريين اللى بندور على المكسب السريع زى ما قال الأستاذ بدر ....