[fepsceasar]

فى كلمتين هقولهم وكل واحد يحطهم حلقة فى ودنه عشان التجارب القاسية نخفف حدتها
أولا البورصة استثمار زى اى استثمار ينطوى على مخاظرة وما ننساش مقولة اقتصادية more risk more return ممكن المكسب والخسارة ولازم اقبل الاتنين ومش من أول عملية يكسب يا بلاش.
ثانيا: لازم انوع استثماراتى لو ماشاء الله عندى فلوس حلوة احط شوية فى البورصة وشوية فى البنك وشوية استثمارات عقارية يعنى انوع وما حطش البيض كله فى سلة واحدة
ثالثا: لو انا محوش قرشن على قدى لازم اعمل حسابى انى مش محتاجهم قريب وسايبهم على جنب يعنى اتحوط للمخاطرة، مش هتجوز الشهر الجاى ولازم ادفع قسط الشقة كمان اسبوعين واروح احط القرشين فى البورصة.
رابعا: لا تلوم إلا نفسك يعنى مش علشان ما حملش نفسى المسؤولية اقول اصل البورصة بتاعت الكبار وهم بيستغلونا لا احنا ناضجين ونتحمل قرارتنا
تصدقوا اكتر حاجة تستفيدها من البورصة انها دروس فى الحياة
خامسا: ما ادخلش قبل ما ادرس كويس وهقلكوا على كام برنامج تتابعوهم ع التلفزيون قبل ما تدخلوا وما تسمعش من واحد بس اسمع أكتر من رأى وبعدين خد قرارك
واحنا هنتكلم على نقطة مهمة بعد كده وهى تنويع الاستثمارات بين الأسهم الدفاعية والهجومية ودى باذن الله تكون استراتيجية تساعدنا فى تجنب او تقليل الخسارة ومحاولة تعظيم المكاسب.