[mr_astra]

السلام عليكم ورحمة الله وبركاتة
الاخوة الاعضاء الكرام هذا المنتدى فعلا يضم نخبة من محترفى السيارات فى مصر ما شاء الله عليهم وبحس ان بيجمعهم روح الاسرة
هادخل فى الموضوع على طول ،،،،،،، قمت بتصميم قاعدة بيانات للسيارت الجديدة والمستعملة والتركيز هايكون على الاستعمال اكثر لان السيارات الجديدة ممكن تجيب معلومات عنها بمنتهى السهولة
قاعدة البيانات التى صممتها تضم بلد المنشا نوع السيارة - بلد الصنع - موديل - وزن - عدد الابواب- شكل الشنطة - عدد الاسطوانات - السعة اللتريية - نظام التغذية بالوقود - عدد الاحصنة - واستهلاك الوقود - وبيانات خاصة بناقل الحركة (الفتيس ) سوا مانيوال او اوتوماتك - كام غيار وايضا نظام الجر اماى ام خلفى - حتى مقاس الاطارات الافتراضي للسيارة - واهم مميزات السيارة واهم عيوبها لكى تضح الرؤية للمقبلين على شراء سيارة - والسعر الحالى فى السوق للحالة الجيدة
اول شاشة فى البرنامج بتخيرك اما سيارات جديدة او سيارت مستعملة لو دوست على زرار سيارت مستعملة هتلاقى صفحة بتختار منها نوع السيارة وبتقرا بيانات كاملة عنها حتى السعر السائد فى السوق مع صورتين للسيارة نرجع لاول صفحة فى البرنامج فى زرار اسمة شاشة التقارير والشاشة دى فيدتها انك ممكن تحدد معاك فلوس كام والبرنامج يعرضلك كل السيارات التى يمكن شراؤها بالمبلغ الموجود او حاجة تانيى ممكن تختار نوع السيارة او بلد الصنع والبرنامج بيجبلك تقرير مفصل عن كل السيارات لتلك البلد او لنلنوع المختار من قبلك اما شاشة سيارت جديدة لسة ما عملتش فيها حاجة قلت الاول اشوف الفكرة هاتعجبكم ولا لا بدل ما اشتغل وما تكنش عند حسن ظنكم ابقى تعبت على الفاضي واترككم مع صور البرنامج والبرنامج نفسة وهو فى طور التعديل والاكمال ونشوف راى الاعضاء اية الفكرة والله انى جديد فى الموقع دة وبصراحة شايف انة منتدى مميز جدا وبحس ان الاعضاء فية بتعرف بعضها ونفسي صراحة افيد ولو بقدر بسيط ...............
طلب:- مطلوب من الاعضاء المحترفين انة يكتب فى الرد هنا بيانات اى سيارة ومن اى نوع يكون متاكد من بيانتها تمام لان دة هايكون مرجع لكل الاعضاء بدل اللف والسؤال