الالتراس
كنت مرة في قاعده وواحد بيتكلم عن الالتراس بقوله يعني ايه التراس
قالي دي رابطة مشجعي النادي ( كان الاهلي على ما اذكر )
قلتله والله الالتراس معناها كده
بيقولي اه والزمالك كمان عاملين التراس
يا سلام والزمالك كمان اه
وكل نادي دلوقتي بيتجه لعمل رابطة للمشجعين بتوعه
قلتله والله كويس هيتعمل رابطة لكل مشجعي النادي حاجة تشرف صحيح ضم وتجميع الناس
الا صحيح هو مش التجمع لاكتر من 3 في قانون الطواريء والتجمهر والتجمع والصيحات والهيصه يبقى تحريض على قلب نظام الحكم
اخدها بضحك وقلب الموضوع
قلتله عموما خلينا في الالتراس تعرف تكتبها انجليزي
طبعاااااااااااااااااااااا اا ultras
هايل
ممكن تجيب قاموس
ليه
نترجمها سوا
منا عارفها رابطة مشجعي النادي اللي احنا تبعه ده انا متأكد منها قاموس ايه وبتاع ايه
معلش خدني على قد عقلي وترجمها معايا
حاضر
افتح ياعم ترجم كده
يدور مش لاقيها
قلتله شيل الاس s علشان دي للجمع وترجم بقى
altraaaaaaaaaaaaaaaaaaaaa aaaa يا نهار مش فااااااايت يعني احنا كده متطرفين
انا مقولتش حاجة
انت اللي قولت
لالالالالالا الالتراس يعني رابطة المشجعين ملهاش دعوة بالتطرف وبعدين دي رياضة والرياضة مذكورة في القرآن
يا نهارك مش فايت قرآن ايه اللي مذكورة فيه
اه دي ايه في القرآن علموا اولادكم ...........
طيب بس بس بس بس بس .. انت هتخرف دلوقتي
ليه بس
هقولك ليه لان اللي هتقوله ده قول مأثور عن سيدنا عمر بن الخطاب رضي الله عنه ولا هو آية في القرآن ولا هو حديث شريف وانما قول مأثور والهدف منه اعداد جيل صالح وقوي وقادر على الدفاع عن نفسه ووقتها كانت رياضات الدفاع تتمثل في السباحة والرماية وركوب الخيل مش في الكورة
لما الرياضة تتطورت ونشأت انواع اخري ورياضات اخري ومسابقات بدأنا بقى في التفاعل لما المسابقات زادت عن حدها والهمجية رجعت تاني بقت الرياضة بالوضع ده لعنه مش نعمة وبعدين الاهتمام بيكون بكل حاجة تنمي الجسم وتحافظ عليه مش كل حاجة تخرب ابلد وتوقف حال الدنيا وتلهي الناس عن حياتها
وسكت واستني الباشا يرد بكلمه ابداااااااااااااااااااااا اا
بعد دقيقة من الذهول قالي بس التراس يعين رابطة مشجعين مش يعني متطرفين
يا نهار مش فاااااااااااااااااااااااي ت قوم يا اخي من خلقتي قوم مش عاوز اشوف شكلك
تفتكروا هو كان متنح ليه