[aimanmohamed82]

متشكر جدا على سرعة الرد سوف اقوم بتحميل الصور .
انا من القاهرة سافرت الى الفيوم و بعد دخول مدينة الفيوم سالت عن وادى الريان و عرفت الطريق وبعد ما وادى الريان و انا بدفع التذاكر المهم بسال الامن عايز اروح وادى الريان فراجل الامن قالى داه مشوار بعيد عليك قولتليه ليه هى على بعد اد ايه كده . قالى على بعد 58 كيلو و لازم العربيه تكون 4*4 و انا كان معايا عربية موسو موديل 2008 المهم بعد ما دخلت 24 كيلو بتوع وادى الريان على الاسفلت لاقيت سهم يمين بيقول وادى الحيتان 35 كيلو فى مدق زى الزفت اى عربية تمشى عليه لازم بعدها تغير علبة الدركسيون المهم بعد ما دخلت فى المدق و بعد عشرة كيلو روحت نازل من على المدق و مشيت فى الصحراء و شغلت الغرز .الطريق داه يقتل فيه القتيل و محدش يحس بيه فضلت ماشى لمده ساعه فى الصحراء و معا جى بى اس علشان الصحراء وحشة و لما وصلت لاقيت عظام لاسماك حيتان موجوده فى الصحراء فى تحس انك واقف فى قاع محيط فعلا بس الجو يموت من الحر و مفيش كهرباء ولا حتى شبكة موبايل انا بحمل الصور و يارب تعجبكم ص
صوره الموقع:





فيديو لوادى الريان و شكل المصريين االى فاكريين نفسهم فى شلالات نيجرا

www.oriflamefree.net/doaa/wadi/3.mp4

صورة عربية المحافظة المسئولة عن المحمية عطلانة فى الصحراء






صور لشكل الحيتان فى الصحراء و اظن انها الحيتان تتحط تحت مظله








صور لبيت قارون اللى هو فى الحقيقة معبد فرعونى و ليس بيت قارون











ارجو ان المشاركة تكون بنناءه