المشاركة الأصلية كتبت بواسطة أسد الله
يا ربت بقى يا باشمهندس الرحلة اللي جاية تبقى للي متتسماش اللي جنبنا على اليمين على طول دي
وشكرا على مجهودك الرائع
|
مش ممكن ... عاوز رحلة الى اسرائيل
المشاركة الأصلية كتبت بواسطة حسام البورسعيدى
بصراحة قصة ممتعة جدا وانا بشكر حضرتك على سردها بالاسلوب المتميز ده ...
شكرا من كل قلبى .....
تحياتى يا باشا ...
|
العفو يا سيدى الفاضل و لا شكر على واجب
ان شاء الله فريبا رحلة جديده و مختلفه
و اخجلتم تواضعنا
المشاركة الأصلية كتبت بواسطة Walid Samy
لألألألألألألألألأة .... حراااااااااااااااام ...... ليه كدة يابن بطوطة ..... ماتقوليش إنك رجعت من الصين واليوميات خلصت خلالالالالالالاص ............ كنت خليك هناك كمان شوية علشان تمتعنا بيومياتك ...... طيب ارجع هناك تانى ونعينك مراسل المنتدى ونلم من بعض ونعملك مرتب ...... طيب بلاش الصين أى مكان تانى قريب وسهل ويعجبك بس تكتبلنا يومياتك عنه ... القطب الشمالى أو الجنوبى أو الإسكيمو أو أدغال الأمازون .. يعنى أى حاجة تعجبك .....
طبعا بهزر .. ألف حمدا لله على السلامة رجوعك لأهلك وبيتك وبلدك وإن شاء الله كانت رحلة موفقة على مستوى البيزنس زى ما كانت موفقة على مستوى السياحة .. ونصيحة من أخوك حاول تستفيد من موهبتك الأدبية الرائعة ومن أسفارك اللى واضح إنها متعددة ومتكررة وركز على التخصص فى أدب الرحلات أنت ماشاء الله مش ناقصك فيه حاجة غير بس مزيد من التفاصيل والملاحظة القوية لكل شئ علشان تشبع نهم القراء اللى هيقتلهم الفضول علشان يزوروا ويعرفوا ويشوفوا ويعيشوا معاك الجو اللى انت عايشه ثانية بثانية وبدل ما تكتب عشرين حلقة فقط عن رحلتك للصين تقدر تكتب أربعين أو خمسين حلقة .. وفى كل الأحوال أنت لازم توثق كتاباتك دى وتجمعها وتحتفظ بيها على الأقل كذكريات ومذكرات لك أنت وأولادك وعائلتك وأصدقائك .
وياريت لو نتعرف عليك أكتر .. يعنى اسمك وشغلك ومنين .. لأننا بجد حبناك وشاركناك فى جزء من حياتك وانت مسافر ...
بالتوفيق دائما بإذن الله فى حياتك على المستوى الشخصى والمهنى ومستنين مغامرات ابن بطوطة فى أماكن جديدة .
|
شاكر ليك جدا كل المديح الذى لا استحقه
و أنا آخرى اعملها بلوج
و قريبا يوميات جديده لرحله أخرى و بطريقه سرد أخرى
و فى الحقيقه اننى حاولت التركيز لكلا يمل القارىء
و طبعا استبعدت الأيام المتكرره أو التى لا يوجد فيها جديد
المشاركة الأصلية كتبت بواسطة corsair
والله انا فعلا كنت حاسس اني انا اللي كنت في الصين بس من غير ما اغرم اي فلوس ههههههههههههههههههههه
حضرتك فعلا سردك للاحداث شيقة جدا
بس نسيت اسئل حضرتك هيه الحكومه كانت بعته حضرتك ليه هناك يعني انا عرفت ان حضرتك كنت رايح علشان معرض كانتون
لكن حضرتك مقولتلناش نوع التجارة كانت ايه يعني زيادة في المعرفة وحب استطلاع
اخوك الصغير احمد ممدوح
|
احمد
تعبير الحكومه = المدام .... مش الدوله
الظاهر لازم تقراها تانى
