المشاركة الأصلية كتبت بواسطة hazem_khidr
المرسيدس و البي ام اللي ب 9000 دي موديلات قديمه مش موديلات حديثه
و طبيعي جدا يكون بيركبها ذو الدخول المتدنيه و يريد سياره رخيصه نوعا ما و مستهلكه.
لكن و حتي و هي مستهلكه تجدها تسافر عبر الدول بلا مشاكل او اعطال تذكر ان حالتها العامه جيده و ليست بممتازه .
يا تري الكورولا ام 20 الف و اعتقد حتكون موديل 2004 و المرسيدس ب 9000 و حتكون موديلات ثمانينات ايا منهم تستطيع السفر عبر القارات بمنتهي السلاسه؟؟
بالتأكيد مرسيدس الافضل كراحه و اعتماديه و ثبات بلا منازع.
|
انا عايش في الامارات المرسيدس لو ب 9000 او البي ام بيبقوا موديل منتصف التسعينات . كان قدامي واحدة اكس 5 موديل 2002 غلي 30 الف درهم اول كلام من صاحبها و كنا هنخلصها علي 25 الف في الاخر.
عكس الياباني ماسك نفسه الكورولا 2006 مثلا بيوصل تمنها لل45 الف لو حبيت تبعها مع ان سعرها جديد ايام 2006 كان 60 الف.
كورولا 96 لو مانيوال بتبقي ب 7000 الاف لو اتو بتوصل ل 10 الاف .
بيجو 307 2004 ب 8 الاف .
و عن تجربة شخصية انا اول ما روحت الامارات روحت منشن علي 307 زيرو من الوكالة و رغم كل زمايلي في العمل نصحوني اني مجبهاش لاكن علي مين و بعد فترة خد عندك مشاكل في الحرارة ملهاش اول و لا اخر. و لما جيت ابعها بعد سنتين
بعتها بعد عزاب و خسرت فيها فوق ال12 الف درهم . بعكس اصحابي اللي معاهم يباني لما حد بيحب يبيع الف من يشتري و بيكسبوا في العربية كمان. و المقولة الشهيرة في الخليج الياباني و خصوصا التويوتا بيقولوا علية ده انت راكب شيك بنكي .