[sad-bird]

انا عارف كلكم زهقتوا مني وبتقولوا عليا متحامل على الكورة وبحمل الموضوع حجم اكبر منه ولكنها فعلا حقيقة وضعي انا والكورة ومن اخر المواقف اللي حصلتلي انا لما اروح عند اي حد مهتم بالكورة وهو مشغل ماتش اروح قالب الكرسي اللي قاعد عليه ومدي ظهري للتلفزوين خصوصا اني رايح ضيف عندك ومن حقي عليك احترامي ( اول واجبات الضيافة احترام الضيف ) نضيف على كده ان الناس بتقولي نفسنا نشوفك وتصادف اني اكون رايح في توقيت في ماتش واخر موقف حصلي كان من اسبوعين تقريبا كان يوم الخميس وكان فيه ماتش للاهلي روحت وقعدت اخدم نفسك بنفسك لانه بيت قرايبي دخلت عملت شاي وجبت فاكهة وقعدت ربع ساعه والراجل منفضلي خالص ومركز في الماتش ناقص يدخل التلفزيون نص ساعه مفيش فايده باقي خمس دقايق في الشوط وروحت قايم اي اوامر انا هقوم امشي بقى لا معلش انا نسيتك خالص معلش اصلي مركز مع الماتش طيب نركز بقى سوا طيب اصبر بس خمس دقايق ونقعد بين الشوطين نتكلم لا خليك مع الماتش احسن وانا اروح وبناقص الكلام بين الشوطين وسلملي على الماتش ومن ضمن الحاجت الي فارساني جدا البنات اللي بقت بتشجع ومدمنة الكورة اكتر من الولاد لدرجة ان الحاجة مرة بتقترح عليا واحده اتجوزها لا يعيبها اي شيييييييييييييء اكتشفت انها مدمنة كورة قلتها على جثتي ان شاء الله لو الموضوع ده تم كفاية كده وصلة الكراهية للكورة شوية ايجابيات انا كنت ولا زلت بحب محمود الخطيب جدااااااااااا ومعرفش ليه بس الراجل ده تحس انه محترم مي زي ال.... والا بلاش محمد ابو تريكه لما استغل الهدف الشهير وقلع التيشيرت واظهر التيشيرت بتاع غزة ونحن نتعاطف مع غزة عجبني الموقف ده جدا وده المفروض يكون الدور والهدف الاسمي لاي نشاك اننا نوظف كل طاقتنا وقدراتنا لخدمة اهداف حقيقية مش وهمية موقف عصام الحضري لما كان في اوجه وقرر انه يسيب البلد ويروح يحترف في نادي مش عارف ايه وكان رده منطقي انا عندي كام سنة والكورة هتديني كام سنة من حقي اروح اامن نفسي بقى وده ان دل فانما يدل على ان البلد حالها من سيء لاسوا علشان واحد زي ده في اوجه ويفكر يسيبها ويمشي طيب ليه يبقى فيها حاجة غلط مش كده والا ايييييييييييييييييييييييي يييه وكفاية كده النهاردة لحسن عم خالد هيولع فيا وبعدين احنا كده هنروح مارينا بالثلث هههههههههههههههههههههههه