لحد دلوقتى مش عارف احفظ ابعاد العربيه
السلام عليكم
دلوقتى يا جماعه انا لحد دلوقتى حاسس امى مش حافظ ابعاد العربيه لدرجة انى لما بعدى من بين عربيتين و المسافه بينهم ضيقه بكون متوتر جدا ومشدود خايف احك فيها و فعلا حصل انى مرتين حكيت ومثلا لو داخل من شارع رئيسى لشارع فرعى و الناس راكنه على الجانبين من عند الناصيه لتوتر جدا و بحاول اسيب الشارع ده منعا لحدوث اى خدوش او حكه فى عربية حد انا مش عارف ايه السبب فى كده انا الحمد لله نظرى كويس فهل ممكن يكون السبب انى مش بسوق كتير ؟
او ممكن ان العربيه كبيره "مرسيدس Mercedes-Benz W123"
ولا ايه السبب الموضوع ده خلانى بجد اتخنقت و بقيت بفضل الطرق الواسعه حتى لو كانت سريعه عن الطرق المزدحمه او الضيقه او اللى ممكن الاقى فيها ناس راكنه اكتر من صف و مضيقه الشارع
اتمنى من الاخوه الاعضاء اللى طبعا يمتلكون عنصر الخبره ان يفيدونى برأيهم و هل فى وسيله او طريقه او تدريب لحفظ ابعاد العربيه فى مده قصيره ؟
|