رد: زاستافا 128
معلوماتى ان سعرها مقارب لل 128 المعروفة ..خليك ف 28 عادية اضمن ....مفيش مشكلة انك تشتريها لو تضمنها و لو ناعمة و مريحة و نضيفة ....انما لو تقيلة ف المشى و مش مريحة و متبهدلة او ساقطة ( محتاجة شغل ) .. يبقى ابعد عنها و خليك ف حاجة 127 او 128 (نوفا ) و بلاش تشترى حاجة مش منتشرة الا و اذا كانت حالة شاذة ....و بيتهيألى انها مش مطلوبة و مش سريعة ف التداول و البيع زى ال128 العادية ... و قطع الغيار واحدة ( هل موتورها موتور نوفا 128 ولا موتورها مختلف او متغيرلها موتور بتاع موديل تانى؟؟ ) ..اسأل صاحبها عن الموتور اللى فيها ....قوله هى فيها موتور ايه ( بتاعها ولا متسقط لها موتور ؟؟ و اساله موتورها كام سى سى ) و ربنا يوفقك ...
بس اوعى تشترى عربية متبهدلة لان العربية الملعوب فيها سواء ف صالونها ( الكراسى و التابلوه و فرش الابواب ) او ملعوب ف الاجناب ( مغيرة قشر و مش متغيره صح ) او موتورها تعبان ( مش بيتغير زيته او صوته خشن ...ممكن تعمره بس برضه هيحتاج عمره كل شوية ) او عفشتها رايحة ( يبقى لازم تغير كل العفشة بالجلب بالمقصات بال بال بال ) .......عمرها ما هتتعدل ...و اسالنى مجرب ..
خلاصة : لو العربية حلوة و مفيهاش شغل و دركسيون خفيف و مخدومة و متصانة ...يبقى اشترى و متخافش..
لو العربية محتاجة شوية شغل بس سعرها رخيص ..متشتريهاش و خاف على فلوسك لانها لو مثلا ب 10000 و ال128 العادية ب 15000...يبقى حط الفرق و انت الكسبان لان الفرق ده انت هتصرفه على الزستافا ومش هتبقى زى اللى ب 15000 ..
و اكيد اسف على الاطلة المبالغ فيها دى ..
|