رد: حلقات (جريمة كل يوم) ألغاز بوليسيه مسلسلة
الحلقة 26
________
حقيبة الأوراق
--------------
عندما هبط من الحافلة فى غاية الإرهاق قادما من شرم الشيخ وبعد إستقلاله لسيارة تاكسى تقله إلى بيته فوجىء بأنه قد نسى حقيبة يده السوداء بالحافلة !!
عاد على الفور إلى الموقف وتوجه مباشرة إلى الإدارة يسأل عن حقيبته فتم إستدعاء
السائق ومساعده للسؤال عن الحقيبة فنفوا رؤيتهم لها أو تسليم أحد الركاب لها !
بلغ الضيق بالأستاذ بكر مداه فالحقيبة تحتوى على أوراق هامة جدا علاوة على مبلغ مالى فى حدود ثلاثة آلاف جنيه ولا يعنيه بحال المال بقدر الأوراق !
وبعد إبلاغ الشرطة بالواقعة أخبر النقيب جوهر بضياع الحقيبة بعد أن نسيها بالحافلة حيث كان يجلس بمقعد أمامى منفردا وقد غط فى النوم من شدة التعب وعندما إستيقظ مشتت الذهن أخذ حقيبة ملابسه الصغيرة ونسى حقيبة اليد بلا شك على المقعد !
تم إستدعاء السائق والمساعد وكان من المستحيل طبعا إستدعاء الركاب وسؤالهم وعلى الفور بدأ النقيب جوهر بسؤال السائق ممدوح :
- هل شفت حقيبة جلدية سوداء تخص الأستاذ بكر بعد مغادرة الركاب للأوتوبيس؟
- أنا ياباشا بعد ما الركاب نزلت نزلت مع آخر راكب
- أليس عليك مراجعة الاوتوبيس بعد نزول الركاب ؟
- ده مش شغلى سعادتك 00الواحد بعد الرحلة الطويلة بيبقى نفسه يفك عن نفسه بكوباية شاى ويريح شوية فى الكافتيريا
تفرس جوهر وجه الرجل وقال:
- تفتكر يكون حسن المساعد بتاعك خدها؟
- معتقدش سعادتك لأنه نزل وراى دوغرى
- هوه برضه مش من واجبه التتميم على العربية
صمت قليلا ثم قال:
- يعنى 00 آه فعلا
- تفتكر أن حد من الركاب خدها ؟
- يجوز ولاد الحرام كتير
- عموما لو حد جالك بشنطة جلد بنى تبقى تبلغنا
- إن شاء الله دى أمانة سعادتك
- لا تنسى فالشنطة فيها أوراق مهمة واللى خدها مش حيستفيد بيها وأكيد حيرجعها
- ورق ! آه ساعات الورق بيبقى أغلى من الفلوس
وبإستدعاء حسن قال:
- يا باشا لما بنلاقى حاجة بنودعها الأمانات لما صاحبها يجى ياخدها
- أنت فضلت فى الاوتوبيس بعد ما الركاب نزلوا 00صح؟
- لأ يابيه أنا نزلت مباشرة ورا الأسطى ممدوح
- طب رحت فين؟
- دخلت الحمام وبعدين قعدت مع الاسطى أشرب شاى
- تفتكر مين اللى ممكن يكون خدها؟
- أكيد حد من الركاب
- تفتكر؟
- مفيش إحتمال غير كده
- عموما لو حد جالك بشنطة جلد حمراء تبقى تبلغنا
- أكيد سعادتك
- الشنطة فيهاش مليم لكن فيها ورق يخص شغل الراجل ياريت متنساش؟
- ورق ! 00تطليع الورق بياخد غلبة صحيح !
أمر سعادتك لو ظهر بيها حد تكون عندك فى التو واللحظة
هم ّ النقيب بالإنصراف وحدثه يؤكد أن واحد منهما هو السارق 00
ركب النقيب سيارته وممدوح يرتشف من كوبه بهدوء بينما إتجه حسن إلى دورة المياه 00فرك وجهه وهو يسترجع أقوالهما 00هب فى خفة وقد توصل إلى السارق فإنطلق للقبض عليه !
إلى اللقاء فى حلقة قادمة
__________________
|