رد: الطريق الي الغربية
اهلا و سهلا بيك
علشان تروح زفتي او السنطه عندك طريقين
اول طريق
بتاخد طريق الاسكندريه الزراعي الي بنها و بعدين فيه كوبري هناك و يافطه مكتوب عليها المنصوره و كفر شكر تاخد يمين و تنزل اتلطريق دا لحد ما توصل الي ميت غمر
عند ميت غمر حتلاقي يوترن تاخده و تطلع كوبري و تنزل منه حتلاقي نفسك في زفت
(زفتي و ميت غمر يفصل بيهم كوبري فقط )
هناك تسأل علي مرور زفتي حتوصل له بسهوله.
الطريق التاني
تاخد طريق الاسكندريه الزراعي الي بركه السبع و دي بعد قويسنا
يعني حتمشي علي الطريق حتقابل قليوب و طوخ و قها و بنها و قويسنا و بركه السبع
حتلاقي كوبري بركه السبع و بعدين فتحه توصلك علي طريق زفتي و منها تسأل علي المرور
او
تفضل مكمل بعد بركه السبع الي طنطا و هناك علي الطريق عند طنطا حتلاقي يافطه يمين مكتوب عليها زفتي و السنطه
حتدخل الفتحه دي و تفضل ماشي لمسافه 25 كم بالضبط حتعدي فيها علي ميت حبيش البحريه و شبرا قاص و عزبه الخطيب و السنطه و حتلاقي نفسك في زفتي
__________________
حـازم خـضـر
|