[حسام البورسعيدى]

المشاركة الأصلية كتبت بواسطة محمد_فراج خلاص يا جماعه اللى مش عاجبه كلامى يفتى هو وانا قلت رايى فقط وحكايه الهندى دى اول مره اسمع عنها هى توك توك وعلى فكره يا مان الانوس كورى لموديل 2002 والباقى ما ادرى نوعه او نوع صناعته وانا قصدرى اكبر شويه اكبر حجما ممش اكبر سن واللى ميعجبوش كلامى يا ريت يكون نقضه بناء ومفيد وميكونش نقض بهدف التريقه او السخريه وفى الاول وفى الاخر انا قلت رايى وانا سألت فى موضوع نوبيرا 1500 او 1600 واللى عرفته انها 1500 وانت لو عندك معلومه اكيده تقولها بذوق وتانى مره اللى ميعجبوش كلامى ميردش الا بذوق

يا جماعة كل الحكاية ان الراجل ده بورسعيدى زى حالاتى يعنى العربيات عندنا منطقة حرة وكانت بتيجى استيراد و استعمال بلدها .. فممكن تلاقى عربيات لانوس كورى موديلات حديثة ...

والاهم من كده مين اللى قال ان النوبيرا 2 مفيش منها 1500 cc ؟؟؟

النوبيرا 2 فيه منها 1500 و 1600 عادى خالص ..

والدليل ببساطة انها بتترخص منطقة حرة (عربيات المنطقة الحرة لا يجوز ان تزيد عن 1500 cc يا باشاوات) حلوة باشاوات دى ..هههههههه

اما بالنسبة للفيفا هى فعلا تقفيل هندى ...

وعامة يا جماعة الاختلاف فى الراى لا يفسد للود قضية ويلا بينا اعزمكم على مهلبية .. هههههههههههههه

وعموما انصح كانو باشا بالنوبيرا لان هى دى اللى مناسبة على حسب الاستخدامات اللى قال عليها .. بس طبعا المانيوال ومش بنصح نهائيا بالاتوماتيك ..

تحياتى ..