[Komy]

يا جماعة شوفوا العربيات عندهم بكام وعندنا بكام و بعدين دول عندهم عربيات وطنية من انتاج و تصنيع بلدهم مش زينا العربيتين اللى عملناهم و مش كل حاجة فيهم و لينا الفخر:
1- ميكروباص الترامكو ( مفصلات الابواب من برة زى عشة الفراخ بالظبط + العربية مافيهاش سوكة واحدة توحد ربنا حتى علشان لما تتخبط اسف دى ما بتتخبطش علشان لما ييجى فيها صاروخ اسكوت سمكرى البوابير يظبطها على السوكة دى ولا العدادات حاجة اخر صيحة فى عالم دبابيس الضغط لتثبيت مؤشرات السرعة اللى بتتعمل من لبيسة القلم الفرنساوى او البيك ( الحتة الرفيعة) اللى اصلا بتنزل مش شغالة ولا وضعية السائق ولا صوت قفلة الباب ولا باب زنزانة ولا شباك السواق واللى جنبه بيتفتح لقدام ولورا عكس الدنيا بحالها ده غير ان اصلا وضعية كرسىالسواق بيخليه قاعد متدارى ف القايم علشان ف الحوادث الإزاز ميجيش فيه !!!! مواصفات سلامة بقا ويا سلام بقى على الفتيس محطوط ورا السواقعشان لو مش فاضى الزباين تنقل الغيارات ولا ولا ولا ولالالا نيجى للعربية التانية الل هيا من نوع النقل الثقيل وطبعا كلنا عرفناها ودى مش محتاج اتكلم عليها علشان دى كفاية صوتها يصخى اموات المسلمين جميعا وتقولولى مش عاجباهم الفيرنا يا عم اللى مش عاجباه الفيرنا و غيرها ميركبهاش ويسيب الناس فى اللى فيه مش كفاية اللى بنشوفه ف غبور وف الورش وف الطريق متصعبوش علينا الدنيا) وعلى رأى المثل الفلاحى حمارك العرج يغنيك عن سؤال اللئيم . وشكرا

ارجو محدش يزعل منى