[POP EL GAMED]

المشاركة الأصلية كتبت بواسطة abdo verna السلام عليكم سيدي الفاضل , اسمحلي ان اقول لك رايي عن الترتيب الذي رتبته ارى انه ترتيب غير صحيح بالمرة , وكانه عن غير دراية بالسيارات معنى ايه ان حضرتك تفضل اللانوس عن الاكسنت والفيرنا والافيو؟؟؟؟ مع ان حضرتك خليت اللانوس في المقدمة كان لازم تخلي الافيو بعدها نفس الماتور الماتورالبدائي والفرامل بتاعت اللانوس عقيمة مع العلم ان تعليق الافيو افضل بكثير من اللانوس واظن ان ده نوع من التناقض الا اذا كنت ترى فرق شاسع بين اللانوس والافيو في صالح الاولى وبعدين مفيش مقارنة بينهم الا في الفئة السعرية وكمان مش كلهم المفروض يتم استبعاد اللانوس تماما والفيرنا افضل سيارة من ناحية الماتور والعفشة

اولا مع كامل احترامى لرأى حضرتك بس انا مطلبتش رأيك فى الترتيب الخاص بيا
ثانيا:
عايز عربيه اقتصاديه يبقى لانوس واسهل من الفيرنا وقطع غيارها عند البقال
ثالثا
فرامل الفيرنا مش احسن من اللانوس بنسبه كبيره على فكره وعن تجربه للاتنين ولذللك يشفع للانوس ان موتورها بدائى على رأيك وده مبيخليهاش تقفل عداد وابقى طالب منها انها تقف بالفرامل الضعيفه دى وعشان كده تلاقى ان من اكتر العربيات اللى محققه اعلى ايرادات على الصحراوى والدائرى فى الحوادث هى الفيرنا
والفرق بين اللانوس والافيو حاجات كتير واولها العفشه السيئه الخاصه بالافيو وكمان موضوع الحساسات اللى عامل مشكله فى الافيو وغلو سعرها ومفيش اى اختلاف ولا ميزه غير انها اعلى شويه من اللانوس بأختصار حاولوا يعدلوا عفشه اللانوس طلعوا الافيو اللى بتسقف

والفيرنا مش افضل سياره من ناحيه الموتور ولا حاجه الفيرنا بتنزل بره 1500 زى الفيفا لكن البركه فى اونكل غبور هو اللى حط موتور الالنترا والميتركس فى فيرنا اللى هى اخف منهم بكتير جدا عشان كده الفيرنا اسهل عربيه تقفل عداد نقلت مظبوط نقلت غلط هتقفل مع الهوا ولا عكسه متفرقش برضه هتقفل ومفيهاش اى عوامل امان غير حزام حاطه اونكل غبور برضه
ولازم تعرف حاجه مهمه جدا مفيش حاجه اسمها فيرنا الفيرنا دى شبح بيطلع عندنا احنا بس مش فى اى مكان تانى
وبالنسبه لموضوع العفشه العفشه كويسه لو ماشى جوه البلد لكن على الطرق التعليق سئ للغايه واعقد انه معروف اى حد معاه فيرنا لازم يجنط عشان يعرف يمشى بيها واصدقائنا هنا كتير
واخيرا وليس اخرا يكفى اللوجان انها العربيه الوحيده فى العربيات دى اللى فيها اير باج واوروبى