المشاركة الأصلية كتبت بواسطة احمد بدر1978

لكل اللى سائلوا على موضوع الصيد

بيبتدى اليوم التجمع بعد صلاة الفجر مباشرة على كوبرى المكس وشرب الشاى وبعد كدة بنركب مركب ونروح عرض البحر لمدة 9 ساعات او 10 ساعات على حسب حالة البحر بعد لما نتقابل بنشترى جمبرى ب 10 جنية وممنوع انك تطلع وانت متعشى عشان دوار البحر كل واحد وحالتة وفية ادوية ضد دوار البحر المركب بتشيل 10 ركاب ب 300 كل واحد بيدفع 30 جنية
مفيش حمام على المركب عشان تبقو عارفين ماشى ممكن المراكبى يعمل شاى ب 1 جنية الاكل كل واحد يجيب اكلة معاة بس لو عندك دوار بحر مش حتاكل
عدة الصيد
بوصة 2مترتسقيط بمكنة كبيرة للاعماق رصاص وزن الرصاصة 200 جرام شعر سمك 35 ملى واهم حاجة ايس بوكس وقزايز تلج للشرب ولحفظ السمك
الرجوع بيبقى فى حدود 5 المغرب الرحلة مش سهلة للى حيطلع اول مرة بس بالتعود بتبقى لذيذة مضمنش الرزق فى صيد السمك ممكن طبعا 2 جنب بعض وواحد يطلع والتانى لا دى حاجة بتاعة ربنا
تعليم الصيد سهل مش صعب بس انا بقول من دلوقتى اللى حيطلع ذراعة الشمال دة بيبقى على اخر اليوم شبهه مكسور
بس بيبقى يوم حلو كفاية انك مش حتشوف حاجة غير البحر وبس منك لربنا