[حبيب الناس]

المشاركة الأصلية كتبت بواسطة Om Abd Allah السلام عليكم ورحمة الله وبركاته وعليكم السلام ورحمة الله وبركاته الماروتي بتاعتي مش عارفة جت علي بداية المدارس وابتدت تخرف .. مش عارفة ايه اللي فيها بالظبط صوت الموتور عالي بتكييف ومن غير تكييف بقيت زي العربيات اللي موديل سنة 70 يعني تمشي في الشارع تلاقي الناس بتقول الصوت ده طالع منين اكيد حاجه من اتنين يأما شداد البنزين معلق أو مشدود وانتي نسياه مشدود وده هتلاقيه علي ايدك الشمال تحت الدركسيون وده سبب لكل اللي حكتيه بعد كده دوسي عليه ورجعيه مترحه هتتحل باقي المشاكل او ممكن يكون معلق وهربان من مطره في الكربيراتير وفضل معلق علي الوضع مشدود وده لازم ميكانيكي او حد بعرف في العربيات يرجعه مطرحه والموضوع ده سهل جدا ومش هياخد 10 ثواني السخونة .. العربية بتعمل حاجات غريبة .. من الأول المروحة كانت بتشتغل لما المؤشر بيكون علي النص وده كان الطبيعي .. كلام ممتاز وده الطبيعي في اي ماروتي سليمه دلوقتي"من غير تكييف" المروحة بتشتغل بعد النص بحاجة بسيطة والمشكلة انها ساعات بتعلق ومش بتشتغل .. مينفعش تعلق اكشفي علي المروحه وبصي حوليها يمكن فيه حاجه بتخبط فيها فتزنقها تخليها متشتغلش والمفروض انها تشتغل علي النص بالظبط زي كانك مكنتيش مركبه تكييف مع التكييف طبعا المؤشر ما بيتعداش الثلت ده طول ما انا علي سرعة اقل من 70 ده طبيعي جدا لان مروحه التبريد بتشتغل مع التكييف فبيكون التبريد اعلي وده بيخلي الميه في الريداتير علي طول بارده ومبتلحقش تسخن خالص اول ما بمشي بسرعة شوية علي 80 مثلا فترة صغيرة تبتدي تسخن ويوصل للنص ويعدي النص واهدي يرجع تاني .. الكلام ده مش طبيعي لازم تكشفي علي الميه في الريداتير والافضل انك تحطي ميه خضرا ولما تقل زوديها ميه عاديه بس يفضل انها تكون ميه مقطره او ميه اللي بتطلع من تكييف البيت عبيه في زجاجه واركنيه تزودي منها العربيه لانها ميه عادم التكييف ميه مقطره خاليه من الاملاح والشوائب ومرتين سخنت جدا واضطريت ركنت واستنيت لما بردت شوية وكملت ايوه ده حصل معايا وبيحصل في كل العربيات بس الكلام ده بيحصل في الايام الحر جدا ودرجه الحراره الجو بتعدي الـ 40 سخونه العربيه ممكن توصل لاخرر شرطه وده مرحله الخطر علي الماتور في الوقت ده تطفي التكييف وتركني العربيه وتسيبيها دايره 4 دقائق علي الاقل علشان ميكونش فيه حمل علي الماتور والريداتير يلحق بيرد سخونه الميه وسخونه العربيه انا في الاوقات ده بسلم امري لله ومبشغلش التكييف الا اخر النهار لانه تشغليه مبيفدش حاجه في الظهر لانه بخلي العربيه تسخن اكتر من طبيعتها وده مبيحصلش الا في الايام شديده الحر فقط ملاحظه : اكشفي علي زيت الماتور لانه ليه عامل كبير جدا في التبريد وقلة لزوجه الزيت بتخلي العربيه تسخن انا عن نفسي بحط زيت شل تمنه تقريبا 105 جنيه وده لقيته ممتاز بيخلي صوت العربيه ناعم جدا ومش واضح لدرجه اني في ناس بتفتكر العربيه مش دايره وده بغيره كل 5000 كيلو وطبعا بغير زيت وفلتر لان الفلتر تمنه 10 او 15 جنيه بس لو اتسد هيكلفني تمن الماتور اصوات غريبة بتطلع من تحت الدواسات لما بجي اطلع علي الأولاني بعد وقوف .. كركرة .. مع اصوات تانية في المطبات تزييق غريب اصوات التقطقه ده بتظهر بوضوح جامد في الملفات ولا لما العربيه بتبتدي الحركه بس ؟ لو بتظهر اكتر في الملفات ده هتكون الكبالن عندك باظت من المطبات وده اي حد بتاع كبالن او عفشه بيغيرها وتمنها مش غالي كتير لكن لو بتظهر اثناء الطلعه فقط فده عيب من اللاجزاء المسئوله عن نقل الحركه من الفتيس للكبالن حصل فيها تأكل وده ممكن تتفادي الاصواط ده انك تطلعي بالعربيه بسرعه اقل شويه يعني متدوسيش بنزين جامد وارعي رجلك من علي الدبرياش سنه سنه ان شاء الله مش هتسمعي الاصوات ده ملاحظه : واضح من الكلام ده انك بتحبي الحفر والمكبات كتير وبتخديهم بسرعه عاليه وده بدوره بيبوظ الكبالي والمساعدين والمقصات فلازم نهدي خالص اثناء المطبات والحفر للمطافظه علي العربيه لانها صغير فاي حاجه بتاثر فيها لمبة الزيت شكلها اتحرقت مش بتنور خالص وبقيت اللمبات بتنور عادي ده سهله جدا وبتتغير بسهوله ارجوكم حد يقولي ايه الحكاية .. هو انا ممكن اوديها التوكيل بعد ما ركبت التكييف ..؟؟ ولو ينفع ممكن يطلعولي العربية كلها باظت ويدفعوني اد تمنها ....؟؟؟ بصي كل توكيلات السيارات بيغالو جدا في ثمن قطع الغيار انا مره اتصلت بيهم وسلاهم عن فلتر الزيت قالولي 40 جنيه ياباني وسئلت بره لقيته 20 جنيه ياباني برده سئلت عن الكاسيت قالولي 600 جنيه غير تركيبه طبعا جيبت كاسيت ب 140 وركبته واشتغل 100 % عامة اتصلي بالتوكيل وروحي شوفي اسعارهم ايه وهتناسبك ولا لأ لو منسبتكيش بلغيني اقولك تشتري قطع الغيار منين وبكام وتعلملي ايه معلش علي الاطالة لكن فعلا انا كل يوم بمشي بيها ببقي خايفة يحصل حاجة جديدة وبمشي جنب الحيط طول الطريق

متقلقيش العربيه هتتصلح وتبقي زي الفل وترجع احسن من الاول وربنا يصلح ليكي حالها وتجري بيها وتحصلي العربيات الـ BMW بس طبعا هتحصليها اول ما الاشاره تقف هههههههههههههه