رد: هشتري فيرنا بس في ناس بتلعب في دماغي
و الله اللي اقدر اللي اقولهولك الاتنين حلوين قوي يعني اللوجان ثبات و متانة و عربية محترمة و موتور معقول و تقفيل زي الفل بس خد عندك قطع غيار غير متوفرة خارج التوكيل و غالية و هاتزعلك جامد في اول شهور لأن اول شهر لسة مخدتش ابعادها حلو فتاخد خدوش و قرف و اشي فانوس وبتاع ثانيا عربية غير مريحة للسائق معرفش ازاي بس انا عشان طويل مكنتش قاعد مستريح فيها يعني نزلت الكرسي و رجعت ورا خالص و رفعت الدركسيون للآخر و لقيته يدوب على لامؤاخذة حجري
نيجي لوحش الطرق المصرية الشبح النفاث الفورنا زي مابحب اسميها ثبات معقول موتور قوي و على فكرة الشركة عاملاه عشان تعالج مشكلة السحب اثناء التكييف يعني هتلاقي منطقة الشرق الاوسط 1600 و برة الشرق الاوسط و المناطق الحارة 1300 و 1100 كمان المهم عربية تمام و قطع غيار على الرصيف وقريب كشك قطع غيار فيرنا زي السجاير و ببلاش اقتصادية مريحة تشيل 3 مستريحين ورا غير انك قاعد مستريح و انتا بتسوق و بتخلي اللي وراك قاعد مستريح تكييفها تلااااااااااااااااااااااا جة تحكمها سلس و سريع باور هيدروليك و بتشوف ابعاد العربية كلها و و مش هاتخبط كتير و على العموم اطحنها مش هاتقول لا ممكن تغير جسم العربية كله من غير متاخد بالك و حلوة قوي و مش هاتزعلك في يوم بس عيوبها اولا عم غبور اكبر عيب راجل مبهدل العربية تماما و احسن له يقفل التوك توك هايكون اوفر و هايبيع جامد برضوا اول ماتجيبها ارمي الجنوط المعفن ال 13 لو انتا مانيوال لأن الهيئة العربية للتصنيع جابوا غطا حلة و قلبوه جنوط ولونه رصاصي خد بالك بيخلي العربية مفيش ثبات بعد 120 و غير طقم الكاوتش المعفن النسر الدرجة التالتة ابو 30 جنيه الفردة و هات بريدجستون اصلي هاتحس انك مش راكب عربيتك اللي كنت سايقها قبل كدة ولو جالك اللاسا التركي سيبه فترة معاك يعني حوالي 3 اشهر و ابقى غيره هوا معقول ولو انتا جبت اوتوماتيك هتلاقي الجنوط 14 كوري الجنوط لونه اسود عشان مينضحكش عليك بس زائد عيوب تقفيل مصري عم غبور حبيبنا اللي بيصحى الصبح يغلي العربية و ينام يصحى تاني يوم يغليها بس ياسيدي هي دي عيوب العربيتين و احسنلك هات فيرنا لو انتا الحالة معاك مش قد كدة انما لو تقدر على اللوجان هاتها هي ارخص من الفورنا و بنت حلال و امان كتير عن الشبح النفاث
|