[Injection]

أنا مبكرهش حاجة فى حياتى غير اللى يدخلها بالعافية ويقتحم حقوقى وخصوصيتى, سواء كان سواق تاكسى واقف فى نص الشارع, أو دى جى عامل فيها تييستو وشغال رزع ودب, أو الأفتكاسة المنيلة بنيلة اللى أسمها الزفة.

السرينة مش هتنفع من غير البتاعة اللى بتنور وبتتحط على السقف, ساعتها الناس تتخض وتوسع.

تصدقوا أنا ساكن على شارع عمومى بيربط بين ميدان المطرية وميدان السواح, يعنى لوحده أصلا زحمة, الشارع ده فيه بتاع 5 كوافيرات كبار, من الساعة 8 بالليل لحد الساعة 12 الشارع بيبقى عبارة عن زفة كبيرة متحركة, بيب بيب وصواريخ وطبل وناس معندهاش دم, تبقى قاعد فى الشقة وسامع كأنك معاهم, وأنا ساكن فى الدور الثامن كمان, وكنت بفكر أجيب بندقية ضغط هواء أنش بيها زجاج عربية من هنا ولا هنا بس الفكرة قيد التنفيذ

نفسى بس أشوف عسكرى يوحد ربنا فى الشارع, ولا شاويش أو ظابط, طب دبابة طيب, أى حاجة على الأقل الواحد يحس بالأمن, والناس اللى زى دى تلاقى حد يهزقها.
وكنت بفكر أعمل قنابل مولوتوف وأحدفها على الشارع, بس لسه شوية على ما البرج اللى فاضل فى دماغى يطير, ربنا يصبرنا.