المشاركة الأصلية كتبت بواسطة hazem_khidr
يا باشا مش حتفرق طنطا من المحله عشر دقائق المهم نتجمع علي خير
اما بالنسبه للكافيهات مش برشحها لان قعدتها مخنوقه وكمان معانا طلبه و عاوزين المقابله تبقي في متناول جميع الاعضاء(انا بقيت بتكلم زي الحكومه باين  )
انا من رأيي نشوف كافتريا من اللي جنب المرشحه علشان يبقي مكان سهل الوصول
و ركنه العربيات مافيش فيها مشاكل زي جوه طنطا
و كمان نبقي قاعدين في الهواء الطلق |
تمام كدة يا باشا .... اهم حاجة الطلبة و الهواء الطلق يا حكومة
عموما يا باشا الموضوع معاك و اللى شايفه صح توكل على الله و دووووس و كلنا وراك يا ريس
المشاركة الأصلية كتبت بواسطة @واحد من الناس@
مهند
طالب علوم قسم حاسب ألى بمصر العالى للهندسة والحاسبات
المحلة الكبرى
|
أهلا بيك يا استاذ مهند .. منورنا .. و ان شاء الله الى المقابلة قريبا
المشاركة الأصلية كتبت بواسطة حازم شاهين
موضوع رائع
لسة كنت بتكلم مع حازم خضر فى آخر مقابلة لينا عن خطة المقابلات خلال الفترة القادمة
و كنا متحمسين جدا لتنظيم مقابلة للأعضاء من محافظات وسط الدلتا و كأن أبو كمال كان حاسس بينا و سامعنا
بالتوفيق إن شاء الله و يمكن نشوف ساحة ﻷهل الدلتا زى ساحة ملاكى إسكندرية كده
|
ربنا يخليك يا مديرنا يا غالى ... يا باشا هتلاقى تفكيرنا كله واحد او على الاقل متقارب ما دامت اهدافنا واحدة ... و نتمنى حضرتك تكون موجود فى مقابلة اهل الدلتا .. و بجد والله كان نفسى ابقى معاكم بس ان شاء الله متعوضة
ويا رب دايما متجمعين على خير