03-10-2010, 03:29 AM
|
 |
من انا؟: عاملنى الله بفضله, لكننى بارزته بالمعاصى
التخصص العملى: Vasc-man
هواياتي: المشى
|
|
تاريخ التسجيل: Feb 2010
الموقع: الدقهلية - المنصورة - شارع جيهان
المشاركات: 589
|
|
أهو أنا دلوقتى بس عرفت فايدة السارينة بتاع الشرطة !!!
السلام عليكم و رحمة الله و بركاته
عشان مطولش عليكم و عشان أختصر معاكم , أول امبارح الجمعة و أنا راجع من القاهرة بالعربية , بعد ماعديت كوبرى بنها و ركبت طريق المنصورة ,و أعتقد كمان بعد ماعديت المزلقان بتاع ميت غمر , لقيت الطريق ماشى بالراحة و بضرب بعينى كده لقيت عربية ماتيريا تقريبا و عليها زواق فرح زى ماتكون فى زفة و أودامها بتاع 5 موتوسيكلات صينى من اللى ربنا بالينا بيهم اليومين دول و ماشيين بالراااااااااااااااااااحة , و هما قاصدين عشان يعطلوا الطريق السريع وراهم, مفكرين أنهم كده بيعملوا واجب مع العريس و العروسة , لأن تقريبا عشان محدش من قرايبهم ولا معارفهم عبرهم و طلع يزفهم, أنا لما شوفت المنظر ده,اتضايقت أوى و قمت مزود السرعة و عديت العربية اللى فيها العرسان و بقيت ورا الموتوسيكلات و قمت قايم من على الكرسى و قاعد على الكلاكس و دول ولا هما هنا و الواد اللى راكب على الموتوسيكل بيبصلى بكل هطل و عبط و بلاهة و بيدور وشه تانى , قمت قارص مرة واحدة و داخل بالعافية بين اتنين من ولاد الTEEEEEEEEEEEEET دول و هوشتهم و عديت , بس بعد كده لقيتنى متنرفز و دمى محروق جدا من المنظر المتخلف ده , أنا مش ضد أنهم يعملوا زفة و كمااااااااااان على الطريق السريع, ماهم عرسان و عاوزين يفرحوا , بس بالكتير أوى يقفلوا حارة , مش يقفلوا عرض الطريق كله ولاد ال TEEEEEEEEEEEEEET دول !!!!
ساعتها اتمنيت أنى يكون معايا سارينة من اللى بيركبوها فى عربيات الشرطة , كان كل واحد فيهم عمل ألف حساب قبل مايقفل الطريق على.
أما ولاد TEEEEEEEEEEEET صحيح.
الظريف بقه أنى لما رجعت المنصورة و فى نفس اليوم بالليل , وأنا ماشى جوه البلد عند حته اسمها ( موقف التلاجة ) , لو فى حد من الأخوة الأفاضل هنا فى المنتدى من المنصورة, أكيد عارفها , لقيت نفس المنظر تقريبا مع بعض الاختلافات الطفيفة الغير موضوعية اطلاقا , يعنى بدل الموتوسيكلات الصينى , لقيت عربيتين نص نقل دبابة واحدة بيضا و التانية خضرا و بدل العربية الماتيريا اللى كان فيها العرسان , كانت عربية BMW 316 , قولت أهلا , الفلاحين وصلوا المنصورة , هيييييييييييييييييييييييي يه , ولا بلاش لحسن الفلاحين يزعلوا , لأن بصراحة الفلاحين ناس جدعان و مايعملوش كده , قمت كلاكيت تااااااااااااانى مرة و عملت نفس التصرف الأولانى و عديت منهم و عملتلهم اشارة كده بايدى الشمال ليها معنى كبيييييييييييييير أوى عند السادة الباشمهندزين السائقين, بس كنت برضه متنرفز جدا و قولت , آآآآآآآآآه لو كان معايا سرينة شرطة !!!!!!!!!
شكرا و آسف جدا للاطالة
MERCEDES S550
__________________
MERCEDES E-class
بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|