اسمحولي اتدخل بالنقاش
الاسبرانزا انا من ملاكها بكل فئتها وعلي طول سفر بيها
كل فئاتها مبتعومش نهائي ماعدا ال 113 بعد 150 تظهر تعويمه لو الطريق مش حلو اوي
اما لو الاسفلت حرير عمرها ما هتعوم
بالنسبه لل516 و m11 الاتنين معوموش معايا خالص نهائي بالرغم اني ب 516 جبت بيها 170 وال m11 قفلت عداد يعني 220 وده النهارده علي طريق الاسكندريه الزراعي وقعت كده اكتر من عشر دقايق ومفيش اي تعويم ولا اي اصوات ولا اي احساس اساسا بالطريق
الاسبرنزا فعلا محدش يختلف علي قوه الصاج و الثبات اما m11 تحديدا محدش يختلف علي الدعامات ووزن العربيه الي بيديها قوه ومناورات اكتر من رائعه
اما بالنسبه للسحب افهم موتور العربيه و سوقها الاول
يعني خلي العداد الار بي ام علي 2 و هتلاقيها بطه بلدي زي انك راكب عربيه هونداي و بتنقل و الار بي ام علي 1
كل موتور و له السستم الي متبرمج عليه
اما بقي تخليه علي 4 و شوف العربيه هتقلب قرده والا لاء ههههههههههه
بالنسبه للتسارع تحديدا ال 113 و m11 تفوقت علي عربيات كتيييييير جدا وعن تجارب شخصيه
ندخل علي بقي الغرز الي هي لعبتي هههههههههه
انا سوقت الالنترا 2009 فتره اسبوع والانسر2007 مده اطول بس مش متذكر قد اي والفرنا يومين والانوس يوم وكلو علي الطريق السريع
والله و بدون مبالغه الاكتر ثبات و قوه و تسارع و تحمل و ضغط هوا اكتر من ممتاز هي الاسبرانزا وتحديدا m11
وياسلام لو بتاخد غرزتين عكسيتين و الطريق فيه دوران و جامد والله اتفرق علي الثبات الي علي حق و التسارع الروعه
خلاصه الحوار
انا مش بمجد في الاسبرانزا و بقول انها العربيه الكامله لان مفيش عربيه كامله
بس عن تجربه هي الاكتر اثبات للذات معايا عربيه محترمه و تستحق فلوسها بكل مليم فيها
وربنا يبارك للجميع
وتقبلو تحياتي