الموضوع: شكر وعرفان للناس الجدعان ( أ.حازم خضر)
عرض مشاركة واحدة
  #1  
قديم 02-10-2010, 01:36 PM
@واحد من الناس@ @واحد من الناس@ غير متواجد حالياً
 
تاريخ التسجيل: Nov 2009
المشاركات: 673
@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute
افتراضي شكر وعرفان للناس الجدعان ( أ.حازم خضر)
الموضوع ده شكر وإفادة فى نفس الوقت

أولا شكر للعضو المحترم أ.حازم خضر
ثانيا إفادة لباقى أعضاء المنتدى

إمبارح الجمعة كان عندى فرح بتاع واحد حبيبي أوي صحيت من النوم ونزلت صليت الجمعة وخرجت كام مشوار وبعدين لقيت تليفون غريب

أيوة يا مهند أنت فاضى

أه يعني شوية أنت مش جى الفرح ولا إية

فرح إية بس عربيتنا إسرقت

لا يا راجل قول إن أبوك رفض يديك العربية فى الفرح المرة دى عشان مش فاضى

لا والله بجد خرجنا بعض الصلاة لقينا إزاز العربية مكسور والموبايلات إتسرقت

المهم إن العربية موجودة يعنى

أنت هتهزر أنا عيزك معاية بعد صلاة العصر نروح نركبه

طيب طيب يحلها ربنا

لا يا حبيبي جى يعنى جى

طيب خلاص نصلى العصر فى جامع الباشا نحضر كتب الكتاب ونروح

لا أنت هتصلى وتسلم على العريس وتطلع تقعد فى العربية وأنا أخد دورى

هههههههههه طيب ماشى

بعد محصل الجزء الأخير ده روحنا عند كل بتوع الإزاز اللى فى المحلة يا إما قافلين يإما معندهمش الإزاز الجانبي بتاع تويوتا إفانزا وهنا لمعت فى ذهنى فكره عبقرية خزعبلية قلت ما أكلم حازم خضر انا معاية رقمه جايز يدلنى على حد

سلام عليكم

أ.حازم خضر _خدتوا بلكوا من (أ.) دى ده إسلوب إحترام _

أيوة

حضرتك أأأأنا عععضو فى مممنتدى مصر موتورز
وكنت ععععايز وحكتله القصة وطلع كل اللى قالى عليهم تقريبا رحتلهم ربنا يجازيه كل خير ويجعله فى ميزان حسناته الراجل كان بصراحة ذوق جدا

المهم رحت طنطا عند بتاع إزاز سيارات إسمه ابو حلوة ونزل معايا واحد قريبي في طنطا جابلى الإزاز من الراجل بمائة وعشرون جنيها مصريا فقط لاغير وتم تركيبه عند واحد طنطاوي ب20 جنيها مصريا فقط لاغير

نعمل باك فلاش للخلف

نزيت أقول إن وإحنا مسافرين من طنطا للمحلة وقبل طنطا بشوية سمعنا صوت بووووووووم يا مساء الفل الكوتش فرقع لا ده مش الكوتش ركنا العربية ونزلت ابص لقيت كله سليم بس فى زي زيت بينقط من الجنب الشمال فى العربية طلع التكيف وباظ التكيف السخيف وبتاع الإزاز قالى متفتحش الإزاز لحد بكره يعني لا تكيف ولا إزاز

ماشي ماشى ورجعنا ولحقنا الزفه وبيب بيب بيب وخلصنا الزفه وخلصت الحدوتة

الدروس المستفاده من القصة

متحطش الموبايل على الطبلوة وأنت خارج العربية أو أي شىء ذا أهميه عشان ممكن يتسرق وتطر تروح عند ابو حلاوة تركب إزاز


متنساش إنك مشترك فى منتدى محترم زي مصر موتورز وفى الف واحد ممكن يخدموك بعنيهم فيه لما تقع فى مشكله وبذات لو من المحلة وبذات لو من عند مصنع الزيوت والصابون وبذات لو إسمهم أ.حازم خضر

متنساش تقول دعاء السفر وأنت مسافر من المحلة لطنطا أو أي حته في الدنيا عشان متسمعش حد جنبك بيقول بووووم

لو حطيت حاجة ذات أهمية على الطبلوة أو الكراسى وأنت بره العربية زي مثلا جهاز N97 يبقى سيب إزاز العربية مفتوح أو العربية كلها مفتوحه عشان متبقاش خسرت الموبايل والإزاز

ودمتم سالمين

تمت بحمد الله

رقم الإيداع 000000000000

__________________


✓



مـثل صيـنـي يقول :

" إذا مــات الـسـيـد فـأقـتــل حـتـى كـلبــه
لأنــه لــن يــكـون وفيـا لـغير سـيـده الأول "


تحياتي

@ واحد من الناس @

التعديل الأخير تم بواسطة hazem_khidr ; 02-10-2010 الساعة 03:00 PM
رد مع اقتباس