[خالدخليفة]

زمان كنت معجب بنفسى وبجسمى وعضلاتى و م كانش يعجبنى حد وكنت باكل يوميا من 15 الى 25 رغيف حسب الاكل يعنى لو مسقعة او ملوخية خضرا باكل 9او 10 ارغفة فى وجبة الغدا وممكن يوصلو 12
ومع ذلك كنت بلعب كورة كتير ومكانش ليا كرش كان كله عضلات
وبعدين اتجوزت والمدام طبيخها ماشاء الله حلو وبطلت الرياضة وجسمى حصل له نوع من الورم (تخنت يعنى )فوزنى نط من 77 الى 105 ثم السفر والجرى الناتج عن شلة النصابين اللى كانو مشاركيننى نزلت وخسيت الى 85 وعايز اخس تانى لان عندى بدلة اشتريتها بالف جنيه سنة 89 وملحقتش البسها عايز اخس لها علشان البسها
ههههههههههههههههههه
ولقيت نفسى وزنى اخف ومبسوط بنفسى وانا جسمى خفيف فبقيت احافظ على وزنى
ثم الجواز بيخلى الواحد يتلم يعنى وخصوصا بعد حادثة الحبس شهربسبب امن الدولة دى والشحططة اللى شافوها ورايا وهما مش لاقيننى ولايعرفو مكانى
والوالد والوالدة الله يرحمها ادونى درس محترم وقالولى انك دلوقت غير زمان انت وراك ناس هتتمرمط ودلوقت علاقاتك اتوسعت زمان كانت مشكلة مع واحد عيل زيك (قالوها كده) تتلم لكن دلوقت ممكن تبقى مشكلتك مع ناس تانية
ثم انت ناسى موضوع عضو مجلس الشعب وعربيتى والا ايه