[خالدخليفة]

هذه القصة ذكرتـنـى بأيام ان كنا طلبة فى الجامعة (جامعة عين شمس)
و.. كنا شلة مايغلبها غلاب زى الوحدة العربية كده
وأيامها كانو بيجددو خط السكة الحديد استعدادا لاستقبال مترو الأنفاق بعد 5 سنوات
وكنا نمشى من الجامعة حتى محطة القطار (منشية الصدر) ولم يكن هناك مواصلات لها و كنا نسخر من اى حد يركب الاتوبيس من المحطة للجامعة او العكس وكان كلامنا جارح فى بعض الأحيان
(الأن وجدت ميكروباس ليس له شغلانة الا نقل الناس من المحطة للجامعة وبالعكس فقط والعجيبة ان زباينه ماشاء الله كتير)
المهم
دخلنا محطة منشية الصدر وكان عمال البناء منتشرين فى كل انحاء المحطة وتجد رمل هنا واسمنت هناك وطوب مرمى فى كل مكان
واخواننا عمال البناء كانو قد انتهو من صبة اسمنت حديثة والاسمنت لسه طرى
واحد افراد الشلة داس عليه بدون قصد لكنه اكمل المسير فيه
وهنا جائه احد العمال وقال / ايه اللى بتنيله ده
وصاحبنا كان عايش فى دور رئيس نيابة الزيتون (باعتبار اننا طلبة فى كلية الحقوق )
وقال للعامل بعنطزة وقرف / امشى يامعفن
والعامل لم يتحمل
وراح زاقه وقعه على الارض
طيب احنا كنا فين
كنا بنشترى لب من مقلة (محمصة /الاسم العصرى ) امام المحطة
ودخلنا على الزعيق
والعبد الفقير الشهامة الصعيدى حضرت
ولقيت العمال ملمومين على صاحبنا بيشتموه
وصاحبنا شافنى من بعيد جايين انا والشلة
وراح ضارب واحد فيهم بالقلم
واتلمو عليه هيضربوه لكن العبد الفقير دخل فى النص هو والشلة وهات ياضرب وخناق ولا فريد شوقى ومحمود المليجى فى فيلم (صراع على بلحة)
وطاخ ....طيخ... طوخ .... ترااااااااااك .... كراااااااااك
أصوات الخشب والمعركة
وطبعا انتهى الموضوع بتسليمنا كلنا من جانب الشرطة الى ناظر المحطة
ودخلنا عند الناظر
الناظر / ايه اللى عمتلوه ده؟؟؟
انا / اصل معانا فلان زميلنا ......................؟؟؟ ؟؟
واضرب بعينى فى المكتب
مش لاقيه
الشلة كلها مقبوض عليها ماعدا سبب الخناقة نفسه
الناظر / ساكت ليه ؟؟؟؟ كمل
مفيش ياعم الحاج خلاص احنا اسفين
وخرجنا لقينا صاحبنا قاعد فى آآآآآآآآآآآخر الرصيف بعيييييد
انا بغيظ / كنت فين
بخوف منى وتردد / اصل اول م بدأت المعركة واحد ضربنى بــ......عرق (بكسر العين )خشب على دماغى
وانا بغيظ / ياسلاااااااام كان زماننا ماشيين فى جنازتك هو انت تــزقنا وتزوغ
طب والله م انا سايبك
ونزلت فيه
وجات الشرطة تااااااااااانى
لكن القطار كان جه ونطينا فيه كلنا
و ...جرينا داخل القطار
و... كنت هكمل عليه داخل القطار لكنه كان زحمة و م كانش ينفع
وزمايلنا كلهم بلا استثناء نزلوه الزيتون مخصوص ومنهم 2 من عين شمس نزلو معانا وهااااااااات ياضرب على محطة الزيتون
وجات الشرطة
لكن انا قلت لهم معلش دى مشكلة عائليه
فضحك وقال / طب حلو مشاكل العيلة بره المحطة
هههههههههههههههههههههه