م ينوب المخلص الا......
وفى يوم اتصلت بزبون
ازيك ياعمنا
ازيك ياخلودة
اخبارك ايه
الحمد لله تمام
عايزين نشوف الارض بتاعة الواحات والتانية بتاعة وادى النطرون
عينى انت تؤمر بس هتستحمل المشوارين ؟؟؟
هستحمل ..... متخافش اخوك جامد
ماشى
وركبت اتوبيس مدينة السادات وهو اتوبيس لايصلح ابدا للسفر وانما للنقل الداخلى فقط يعنى تركبه محطتين او تلاتة..... ماشى
لكن تركب وتسافر؟؟؟ صعب جدا
وبعد ان ركبت فهمت ان فيه مكيف ب8 جنيه وعادى اللى انا ركبته ب6 جنيه
واحنا جوه الاتوبيس
جرجرنى احدهم للسياسة وسيرة السادات وعبد الناصر
واتضح ان احنا ال2 فقط فى الاتوبيس اللى عواجيز
فلا احد يتذكر ايام كان كيلو اللحمة ب68 قرش
ولا انا اتذكر ايام كان كيلو اللحمة ب34 قرش
وبص لى لكنه مستعيلنى(حاسس انى عيل ) ايه العيل اللى فاكر كيلو اللحمة ب68 قرش والرغيف بتعريفة ده
سـألنى / عندك كام سنة
44 (من عدة شهور خلاص هكمل 45 بعد 15 يوم ان عشنا )
ورينى بطاقتك
ايه ياعم هو احنا فى القسم والا ف كمين
ضحك / اصلك بتقول كلام مش مناسب لسنك انت آخرك 33 او 35
لا ياعم 44 و....حتة كمان
ههههههههه و ... كمان حتة؟؟؟
آه
ودخلنا فى السياسة والأسعار الى ان جاء مدخل السادات
ونزلت
وقابلت صاحبنا واخدنى بعربيته واتفرج على الأرض
ورجعنا على الواحات
وهو مشوار صعب لانك هتمشى من السادات الى مدينة 6 اكتوبر ثم يمينا الى اخر اكتوبر ثم يمينا فى طريق الواحات مساافة 170 كيلو
وفى طريق الواحات
قال / تعالى نقعد نريح شوية
ماشى
ودخلنا مقهى حقير
وواضح اننا غرباء لان كل رواد المقهى غالبا من سائقى النقل التقيل
ثم جاء الشاى
وصاحبنا علق باستياء / ايه الشاى ده ؟؟؟؟؟؟ ده معفن
القهوجى / ازاى تقول على الشاى بتاعنا معفن
دى كلمة معفن قليلة عليه
كمان؟؟؟؟ طب يالا قوم من هنا
انت مجنون ؟؟؟؟ انت بتطردنى ؟؟؟؟
انا / يااخواننا صلو على النبى مش كده
ونظرت للقهوجى
وقلت / حقك عليا يا اخى
الزبون / انت بتعتذر له ؟؟؟؟ ده حيوان
القهوجى / انا حيوان ؟؟؟ طب وحياة امى م انا سايبك
وجرى وراه
وصاحبنا جرى على عربيته
وانا جريت ورا القهوجى مسكته
خلاص يااخى
لكن فوجئت بحاجة تقيلة غالبا عصاية نزلت على كتفى
تراااااااااااااااااخ
وجعتنى جداااااااااااااا
فقلت بصوت عاااااااااالى / آآآآآآآآآآآآآه ه ه ه ه
وكلهم انشغلو بيا
و .... فى هذه اللحظة التى انشغلو فيها بي
صاحبنا جرى بعربيته ........ و سابنى
خيااااااااااااانة
ورجعو لى هيفترسونى
القهوجى وقف لهم و ...قال / استنو الراجل ده محترم ده كان بيكلمنى كويس
صاحبه اللى هرب هو اللى كان عايز الضرب
المهم مرضيوش ياخدو حساب الشاى
واتصل بصاحبنا على الموبايل ....مغلق
ياللهول
هسافر ازاى
وطلعت على الطريق
وقابلت عربية نقل تريللا وقف جنبى
رايح فين
مصر
هوديك لحد دريم بارك انا رايح الفيوم
نزلنى الرماية
مش هوصل للرماية
خلاص دريم بارك
ونزلت دريم بارك
وقابلت عربية نص نقل
خدنى معاك لميدان جهينة يااسطى
اركب
ونزلت واخدت ميكروباس لرمسيس
وروحت البيت
وفى كل هذه الاثناء بتصل بصاحبنا من عدة شهور لحد النهاردة مش بيرد
تصورو
يعنى يــبـيـعنى و م يردش عليا
تفتكرو م بيردش عليا ليـيـيـيـيـيـيـيـيـيـيـيـ يـيـيـه
ههههههههههههههههههههه