الجوالة (1)
بما اني لما بعمل حاجة بكون مقتنع بيها قوي وبما اني قعدت اكتر من 12 سنة في الحركة الكشفية وبطلت النشاط لضيق الوقت وشوية مشاكل كده الا اني مؤمن بيها جدا وبالقيمة اللي ممكن تتعمل من خلالها في حاجات كتيييييييييييييييييير
ودي شوية مواقف حصلت لي عن الجوالة مش في الجوالة لان فيها حكايات كتييييييييييييير لكن اللي يفتكر بقى
هههههههه
1. ولد قليل الادب
في كلية اداب عين شمس وانا واقف مع زميل ليا لقيت واحد بيتكلم مع واحد صاحبه طلبة لسه كتاكيت في اولى وبيقوله جوالة يلا
ولقيتهم بيتريقو على فريق الجوالة علشان كانو بيغنوا وبيحركوا سمر في الجامعة
( تحريك السمر ده يعني استعراض صغير على انشودة او زجل او غنوة على الدف والشبابا بيتحرك حركات في تشكيلات معينة محسوبة ومدروية قبل كده زيها زي استعرضات تربية رياضية او القوات المشجحلة مع فارق ان ده مش استعراض اسلحة او مهارات عسكرية ده استعارض عمل جماعي وتآزر حركي بين الفريق )
وان البنات فيهم متصاحبين على الولاد وتخاريف كده
( للأسف الكلام ده النهاردة بقى فيه نسبة كبيرة منه صحيح ودي غلطه المشرفين في الجامعات وقبل ما تكون غلطة الولاد
روحت منادي عليه وقلته انت بتقول ايه
تنح وقالي انت مين قلتله واحد من اللي بتتريق عليهم
قالي انا بتكلم عن اللي هناك دول انت مالك
قلتله اولا تحترم اللي بيكلمك زي ما اللي بيكلمك بيحترمك وقبل ما تتكلم عن حاجةافهم انت بتتكلم عن ايه
اتكسف قوي وقالي ما حضرتك شايف اللي بيعملوه ده ايه
قلتله انت تعرف حاجة عن الجوالة
قالي لأ
طيب انت مراست اي نشاط كشفي
قالي لأ
طيب انت روحت اي معسكر او شوفت اي حاجة من اللي بتحصل
قالي لأ
قلتله امال بتتريق عليهم ليه
قالي مهو عاملينها ديسكو هنا وبيغنوا
قلتله اولا ده مش ديسكوا وثانيا ده حاجة اسمها تحريك سمر وغلطتهم انهم عملوه بالنهار لان ده بيكون اخر النهار من المغرب وانت طالع والهدف منهانهم بيرموا همومهم في السمر ده وتعب اليوم كله مش الهدف منه انهم بيغناو وبيهرجوا
وثاناي في السمر مفيش اختلاط الولاد بالبنات ولا في اي معسكر وول حصل بيكون فيها اجراءات صارمة يعني اللي انت شايفة قدامك ده غلط من الطلبةغلط اشخاص متنسبوش لفئة الي هيا الحوالة
وبعدين فينالديسكو اللي بتقول عليه هما جابو دي جي ورقصوا بلدي والا جابو تامر والبنات اتلمت عليه والا جابو حماقي وقعدو يتنططوا
قالي لأ
امال بيعملوا ايه
قالي بيغنوا على الطبلة
قلتله لا دي مش طبلة ده اسمه دف او باندير وده في الاسلام الالة الوحيده المسموح بيها للانشاد عليها
واللي بيحولوه ده حرجكات في الاصل تدريبات رياضيه
هل انت شوفت اي بنت منهم نزلت رقصت
قالي لأ
هل فيه بنت منهم طلعت تجري ورا حد في الجامعة زي ما بنشوف
قالي لأ
وفضلنا على كده ربع ساعه وفي الارخ لقيته اتكسف ممن نفسه قوي وقالي عندك حق انا اسف
قلتله مش تتأسفلي انا روح اتأسف لهم ان كنت تقدر
وشه جاب الوان الطيف واستأذن ومشي
خلاصة القول
الكشافة ومنها الجوالة حركة تربوية اجتماعية شبابية تهدف لاهداف كتير سامية ونبيلة ولكن تصرفات بعض من فيها بتأدي لفهم الناس ليهم غلط ، وللأسف التعميم بيبقى على كل ما هو متعلق بها