[sad-bird]

شوية فكاهة بعد وصلة النكد دي

اصحو يا ولاد بابا جاااب ..................
موووووووووووووووووووووووز

وانا في الجامعة وبعد الجامعة بفترة كنت في الكشافة وطبعا مراعها للمرحلة العمرية فااسمها الجوالة لكن المسمي العام كشافة

كان لينا واحد حبيبنا قوي وكنا كلنا بنحبه جدااااااااااااااااااا
كان الاب الروحي للحركة الكشفية في جامعة الزقازيق وهو معروف لاي حد في الجوالة يطلب الطلب وكأنه امر واجب النفاذ
( وده لأن الجوال نصف جندي وطالما القائد بتاعك قالك حاجة يبقى لازم تنفذها )

المهم في مسابقة بتتعمل في الجامعة اسمها المهرجان الكشفي رقم كذا لجوالة جامعة كذا كل جامعة بتعمل المهرجان ده عندها ( عم خالد عارف الكلام ده لانه جوال زمل ،، جوال بفتح الحروف جميعا علشان محدش يقراها غلط ، وزمل بضم الزاي )

فيه المهرجان بيتعمل رحلة خلوية ودي بنعمل فيها كل مهارات الخياة في الخلاء من اول الجربندية الخلوية لغااااااااااااااااااااااا يه رفع المنطقة بالاشعة او رفع الاثر، مرورا بالطهي الخلوي ، مرورا بالشنغال الفنية ، مرورا باعداد معسكر خلوي مصغر كل ده في يوم واحد

ومن ضمن الحاجات في الرحلة الخلوية خطابات كثيرة منها منها واحد موجه للجهات الامنية علشان لو حد اعترض طريقك ، وواحد مكتوب عليه الامن والامان وده له قصه تانية معانا ، والباقيين خطابات شرح الرحلة على مراحل ومعاهم خطاب فك الشفرات لاننا كنا بنتحرك بخريطة وشفرات توجيه عباره عن عبارات ولكن مشفره ، وفيه اكتر من كود بنشتغل عليه منها على ما اذكر مورس ، والدايرة المقفولة ، والكلامات المتقاطعه وحاجات كتير بس اشهرهم مورس والدايرة علشان سهلين في التعامل معاهم ، وخطابات التوجيه بتتفتح بالترتيب الأول والثاني والثالث كل ما ننهي مرحلة نفتح المرحلة اللي بعدها ونترجم ونتحرك وهكذا ولو فتحنا واحد قبل ميعاده وحد عرف ننقص درجات

بدانا الرحلة
فتحنا الخطاب الأول وخطاب الشفرة وترجمناها ومشينا
الخطاب التاني ترجمناه ومشينا ووقفنا في النص ليه بقى

في خطاب التوجيه المفروض ان اللي صمم الرحلة بيكتب لنا علامات ودلالات ارشادية نعرفها ونعرف اننا ماشيين صح وقد كان مشينا صح لغايه علامة واحده كلنا وقفنا عندها
ايه هيا
شجرة موز

العقل والمنطق بيقول ان شجرة الموز مش علامةالرشادية لانها ممكن تتشال في اي لحظة خصوصا انها مش مزرعة موز لو مزرعة وتوهنا ممكن نسأل لكن شجرة موز ؟؟؟؟؟
وكان يومها صاحب الارض المزروع فيها الشجرة دي مشالهاش لكن كان عنده عربية نقل بتنزل حموله ومحدش فينا شاف الشجرة غير واحد كان بيدور على مكان يعمل فيه حمام لف حوالين العربية شاف الشجرة وعرفنا

وكلنا لما رجعنا كان ده التعليق الوحيد لينا على الرحلة
او عاوز تعلم مكان بتعلمه بحاجة ثابته
افرض صاحب الارض قام الصبح وقال الشجرة مكانها مش عاجبني انا هشيلها
افرض واحد متغاظ منها وراح جايب شوية ينزين وولع فيها يبقى الناس تاهت كده علشان مفيش دليل يمشوا عليه
وبقت حدودة الموسم وكل موسم واعتقد انها ما زالت موجوده
وبقين في كل حفلة سمر او كل رحلة او معسكر نرحب بيه جدااااااااااااااااااا
وفي اخر الترحيب واحد يقول

اصحو يا ولاد بابا جاااااااب

واحنا كلنا نرد

موووووووووووووووووووووووو ووز

وهو طبعا والناس القديمة اللي عارفين الحدوتة دي حتى الناس الجديده بقت بتعملها تقليد لينا مش اكتر وميعرفوش اصل القصة ايه

حتى احنا لما روحنا معسكر اعداد قادة تدريب في جامعة القاهرة والموضوع ده محدش عارفه هناك عملناها فيه واحنا اربعه عاملين رهط وقاعدين بنقترح صيحات قولنا نفس الكلمة
وعلى الرغم ان محدش كان عارف ايه قصة الكلمة دي الا انه كان محرج جدااااااااااااااااااااااا ووشه جاب الوان الطيف كلها وزعل جدا مننا رغم ان مفيش حد كان فاهم غير الاربعة اللي من الجامعة