[sam ram]

المشاركة الأصلية كتبت بواسطة AboNoRa اشى خيال يا نااااااااااس بس عفشه من الياف الكاربون ديه تبقى ازاى بس هو عادى كده ان مكونات العفشه تبقى خفيفه اوى المهم بس صلابتها ؟؟ وليه ماتبقاش تقيلة شوية والموتور يبقى اكبر شوتين ؟

العربيه كلها تقريبا من الياف الكربون .. المصنعه بطريقه جديده غير تقليديه بالتعاون مع بوينغ .. بحيث يمكن تصنيعها بشكل تجاري اكبر و تكلفه اقل .. الكاربون فايبر صلابته عاليه جدا و ووزنه خفيف ..
ولامبورجيني بيقولو ان العربيه دي مستقبل السيارات الرياضيه
المحرك تنفس طبيعي

المشاركة الأصلية كتبت بواسطة bmkbmk وهم الاوهام و يا ترى دى هتبقى بديلة الجلاردو بقى و لا هتبقى لوحدها ؟؟؟؟ ولا ايه نظامهم بتوع لامبورجينى دول اللى مش هايجيبوها البر بالعربيات المفترية دى

جايز يا محمد باشا تكون فعلا بديله الجالاردو ... بس بمفهوم جديد

المشاركة الأصلية كتبت بواسطة احمد بدر1978 طب ياريت السعر عشان بفكر اجيبها للعيال

حوش يا باشا و متقلقش ... حوصيهم عليك يحجزولك اتنين لاولاد .. ولو عايز اكتر قولي

المشاركة الأصلية كتبت بواسطة horas3000 ايه الوهم ده و زي ما انتم شايفين مفيش ازاز وراني لان العربية ده تنطلق للامام فقط و انا شخصيا نويت اسميها لا تراجع و لا استلام بين قوسين لامبو سيستو اليمينتو

سيستو المنتو يعني العنصر السادس .. مقصود بيه الكربون
منور يا شريف باشا .... ممكن يعملو منها نسخه يسموها عاد لينتقم

المشاركة الأصلية كتبت بواسطة فادى وزن أكثر من مثالى , بس التصميم الغريب ذى الحروف الحادة اللى فى العربية دى, دى ممكن تعور حد!! وائل باشا, واحشانى مشاكساتك, الوزن الخفيف أفضل لجهة رشاقة الأداء و سهولة التحكم فى السيارة, سيارات الفورمولا وان مثلا وزنها لا يتعدى ال700 كغ يعنى وزن السيات 133, لكنه فقط لا يعطى للركاب الراحة المطلوبة. عموما انا لم احب لمبرجينى بعد انتقالها لملكية فولكس, لأنها أصبحت منذ ذلك الوقت تصنع سيارات فضائية مبهمة و معقدة فيزيائيا!

هي فعلا العربيه حاده زي الموس و الجزء الخلفي بيفكرني بامواس ناسيت القديمه

لامبورجيني اتغيرت كتير من وقت انتقال ملكيتها لاودي تحت لواء فولكس
لكن مننكرش ان اودي حافظت عليها بعد ما عانت من شبح الافلاس و الانقراض وقدروا يرجعوها للمبيعات و الارباح
دول قعدوا 16 سنه على الكونتاش و 11 سنه على الديابلو وكانت عربياتها مشهوره بانها وحش غير مروض صعب القياده ...