[mercedes]

السلام عليكم و رحمة الله و بركاته

طاب , اللى أنا فهمته من الموضوع ده دلوقتى أنى أنا عربيتنا البيجو ال 505 مو 1980 القدييييييييييييييييمة أوى دى, أنا بحطلها زيت توتال ال 1000 كم ( الألف كم ), أنا بعد ما أحطه ماغيرهوش و أكتفى أنى بس أزوده كل ماينقص و خلاص لحد مثلا 2000 كم و بعد كده أغيره , ده كده يبقى قشطة أوى و الله , أصل أنا كنت بحط شيل الأول و بعدين الراجل بتاع الزيت اللى أنا بغير عنده ( العمريطى اللى فى المنصورة جمب موقف التلاجة )قاللى ماتاخد زيت TOTAL لأنه زيت فرنساوى و محترم و تقيل , بينى و بينكم , أنا سمعت كلامه لأن عندى العربية أصلا بتاكل زيت ( حوالى نص كيلو فى الألف كم ) و هى عربية قديمة و مايتبكيش عليها و لما حطيته , لقيته بينقص برضه بس مش زى الشيل و قبل مايوصل لل MINIMUM بكون عملت الألف كم و غيرته و هلم جرة .

أنا بقه ناوى أصبر عالزيت لحد 2000 كم و أتابع مستواه و أزوده كل ماينقص و خلاص.

بالنسبة للأخ الفاضل اللى معاه عربية كابريس مو 2004 فى الكويت , الأعراض اللى هو بيشير اليها دى فعلا كانت بتحصل معايا فى العربية البيجو ال 505 دى بس زماااااااااان و كنت فعلا بحس أن صوت الموتور بيبدأ يعلى و يبقى فيه خشونة كده , ماتروحش الا لما أغير الزيت!!!!!!!!!!!! .

الغريب أن أنا لاحظت فعلا أن بره فى كندا مثلا مابيغيروش الزيت زيينا كده كل شويه ,لأنى لاحظت أن أختى ( معاها عربية تويوتا كرولا 1600 مو 1997 ) بتغير الزيت تقريبا كل 6 شهور , بس بتتابع مستواه و بتزوده كل ماينقص و خلاص و كانت شارية العربية عاملة معاها 186000 كم و عملت معاها لحد دلوقتى 212000 .

مرة و أنا راكب مع الراجل اللى بيوصلنى المطار لما بكون مسافر و معاه مرسيدس معدل و قولتله على حكاية أن العربية البيجو ال505 مو 1980 بتاعتنا, الزيت بينقص بتاع نص كيلو فى الغيار اللى هو كل 1000 , قاللى أدام العربية ماشية معاك كويس و بتسحب معاك و مفيش منها أى شكوى أو مشاكل , خليك ماشى بيها و ابقى زودلها الزيت و خلاص, لأنى بصراحة كنت بفكر أعملها عمرة اليومين دول أو على دخول الشتا كده , بس انا ناوى أصبر شويه, يمكن ربنا يكرم و أجيب مرسيدس معدلة , أهى تبقى أحسن .

شكرا جدا جدا و آسف جدا جدا عالاطالة .

MERCEDES S550