رد: مشكلة كريستالاوية
جزاكم الله خيرا بلاك على الرد
وغالبا علبة الدركسيون هى اللى فيها مشكلة لانها عاملة صوت دردرة جامدة جدا تحت قدم السائق ومن بجانبه فى الارض المضحضرة طبعا دا غير انها عاملة تفل جامد جدا فى الطارة
لكن السؤال هنا بقى هو هل علبة الدركسيون بتتصلح يعنى لو فيها بوش مثلا أو خلافة فى حد بيصلحها ولا لازم تتغير
ولو بتتغير حد يعرف حد بيشتغل فيها لانها باور والكل قالى روح بيها شامبليون هما دول اللى فى اديهم الحل بس للاسف انا معرفش صنايعية فى شامبليون
النقطة التالية بقى هى انى كان عندى مشكلة استهلاك البنزين اللى قولتلكو عليها دى وبالفعل روحت للميكانيكى اللى وجهنى بدورة لحد بتاع كربراتير
وفى صباح اليوم التالى توجهت بالفعل لعم أنور بتاع الكربراتير اللى فى أول شبرا
المهم فك الكربراتير وشوية لاقتو بيقولى هات 85 جنية يا أستاذ عشان الكربراتير دا عوز يروح المخرطة عشان الاكس وخلافة المهم اتفضل يا باشا
شوية هات خمسة جنية عشان الجوان مايضرش خد
المهم خلص
حسابك كام ياعم قال ستين جنية قولت ماشى
طبعا خلال الشغل يتخلل كلمات منى كل دقيقتين تقريبا ان انا زهقت وتبعت من أكل العربية دى للبنزين 170كم فى الصفيحة
المهم خدت العربية ومشيت ومونت وصفرت العداد وعلى البركة أمشى بالعربيى150كيلو تقريبا وأمون اللعربية قاليها خدت صفيحة بنزين
يعنى الصفيحة بقت تعمل 150كم وياريتنى ماروحت لعم أنور
أشيرو على فى موضوع البنزين دا لانى تعبت وفعلا بقا حمل جامد عليا ماديا ونفسيا
جزاكم اللة خيرا
|