رد: هل يمكنكم تفسير عمل هذه البكرات
لا عذرا لم يقصد ما قلت
من الصورة البكرة اليمنى عبارة عن حاجتين
اولا منتصف البكرة ده زرار الضغط عليه يجعل دورة الهواء داخلية يعنى الهواء يسحب من داخل الصالون و يبرد فى التكييف و يطلع من الهوايات وهكذا و ده فايدته انه يبرد بسرعة
اما او ضغطت عليه تانى يبقى الهواء حيجى متجدد من بره و يتم تبريده و يطلع من الهوايات فى الحالتين الهواء حيتفلتر لكن فعلا بالنسبة لوضع الهواء الخارجى الفلتر مش حيمنع الروائح بالكامل
ثانيا الاطار الخارجى للبكرة فعلا يمكنك من اختيار وضعيات خروج الهواء
مثلا الرسمة الاولى توضح السهم فى اتجاه منطقة الوجه فده حيطلع الهواء من هوايات التابلوه العلوية
لان مخارج الهواء متعددة
1- الهوايات الامامية (فى المنتصف و على الاجناب)
2- السفلية لمنطقة الارجل
3- على البرابريز (عند حافة تلاقى التابلوه بالبربريز)
فلو عايز احسن وضع للتبريد فبتختار منطقة الوجه مع هواء بارد
لو عايز تدفى رجلك فى الشتاء بتختار الوجه و الارجل مع هواء ساخن
لو رجلك سقعانة قوى اختار الارجل فقط مع هواء ساخن
لو الازاز مشبر اختار مخرج البرابريز مع هواء ساخن
__________________
سبحانك لا علم لنا الا ما علمتنا
|