السلام عليكم ورحمه الله وبركاته
ارجو منكم الافاده..لانى مقبله على شراء سياره ومتردده فى اختيار السياره
انا طالبه جامعيه ومحتاجه لسياره يادوبك للمشاوير البسيطه والخفيفه
ولا تتعدى ال 35 الف
الخلاصه ان معروض عليا عربيتين
احداهما اسبرينزا ِ113 2009 والاخرى سوزوكى 2009
والاثنين مستعملين وحالتهم جيده
انا مياله الى الاسبرينزا عشان الاوبشنز الى فيها بالمقارنه مع الماروتى طبعا
كسياره وكمان لان الماروتى 800cc والاسبرينزا 1300
وده غير الشكل الداخلى والخارجى
ولكن ناس كتير بينصحونى انى اتجه للسوزوكى خصوصا بعد ما سمعنا ان الاسبرينزا بها عيوب كثيره...وبيقولوا ان على الاقل الماروتى كتير معاهم ونادرا ما حد بيشتكى منها ويكفى انها مش صينى
محتاجه اقتراحتكم بعد اذنكم اتجه لاى عربيه احسن واضمن؟؟؟؟
وبعد اذنكم سؤال اخر...لو لقيت عربيه اسبرينزا بحاله جيده
ايه اللى اقدر اخد بالى منه فيه بحيث انى اضمن العربيه تكون كويسه؟؟؟
لانى سمعت فى الصينى بالذات انت وحظك
ولكم كل الشكر .