أنـا وجمال وهـواه
وحبيبى جمال سواق التاكسى الظريف كنا مسافرين الفيوم انا وهو فى يوم (معظم سفرنا انا وهو كان للفيوم وبنى سويف) ويومها جانى ادام المكتب الصبح حاطط برفان قوى نفاذ
وعنده شوية شعر ابيض فى مقدمة راسه صبغهم أسود وجاى حاجة اخر انتيكة
انا / ايه ياعم الشياكة دى
جمال سعيدا والغزالة رايقة / اى خدمة ياخلود علشان الناس تشوف السواق بتاعك شيك كده تقف لك انتباه هههههههههههههه
بهزار / ماشى ياعم جمال والبرفان د ه جايبه من بره والا ايه
اصل الوالدة جابتهولى من واحد جارنا
وقعدت تدعيلى وتقول /حط منه كـتـيرياجمال ربنا يـوقعك يارب فى بنت الحلال
ههههههههههه والله والدتك دى زى السكر وانت مكدبتش خبر وحطيت منه كـتـير وجيت قلبـتلنا منطقة روكسى بحالها (مكتبنا كان فى روكسى /مصر الجديدة)
والله ياعم خالد رشيت اكـتـر من نص الازازة
ههههههههههه نصها يامفترى ده احنا على كده هنرجع ومعانا العروسة فى العربية
عروسة ايه ياعم انت عارف رأيى (مبـيـحبش الجواز خوفا من دوشة الستات ومشاكلهم ووجع القلب بتاع العيال / مشترى دماغه بالبلدى)
والله ياجمال انت حـيرتنى متشيـك ومغرق نفسك برفان وتقول انت عارف رأيى طب افرض واحدة شبطت فيك نعمل ايه
هههههههههههههه هزوغ وادبسك زى كل مرة هههههههههههههه
وواضح فعلا ان الغزالة كانت رايقة خاااااااااااااااالص
يالا ياعم جمال اطلع بينا
ومشينا
ووصلنا الفيوم بالسلامة وكالعادة بيركن هو فى اى مكان وانا والراجل اللى معايا نطلع نشتغل بعد وضع خريطة للبلد وتقسيمها بيننا علشان ميحصلش تضارب
ورجعنا فى وسط اليوم للراحة شوية وخصوصا ان الاقاليم من الساعة 3 العصر لحد 6 غالبا متلاقيش حد فى المحل بتاعه
يالا ياجمال نقعد على اى قهوة نشرب شاى
انا جعان
ماشى ياعم وناكل كمان بس اكل خفيف علشان احنا منـهمدش ونعرف نشتغل
ماشى
وجمال يومها مبسوط بنفسه وفاكر نفسه حسين فهمى فى فيلم رد قلبى
وقاعد على القهوة مش عاتــق اى واحدة معدية
اختشى ياجمال عيب كده
استنى بس ياخلود شايف القمر ده ......... ياحلو انت .... وبيعاكسها
بغضب /اختشى ياجمال
ههههههههههههه انت زعلت ؟؟؟؟؟؟؟؟؟
اه زعلت
طب حقك عليا
وشوية
بص بص بص والله البنت دى مش ممكن افوتها وقال لها القمرماشى على الارض وانا كنت فاكره فى السما
يخرب عقلك ياجمال يابنى اسكت شوية
هههههههههههههه اشطة (قشطة )ياحاج خالد
وسقـف بأيديه تسقيفة عالية
الراجل اللى معانا قال / الله اكبر اشتغلت يامعلم
ياولاد الايه
ولسه بنشرب فى الشاى ولقيت جمال وقف على حيله وبحلق بعـيـنـيه الاتـنـيـن جااااامد
ايه يابنى
صاروخ أرض / جو ياخلود
اعقل ياجمال
استنى بس
ولقيته خبطها كلمتـين وتـقل العيار شوية
وخلصنا الشاى ويادوب بدفع الحساب .................و لسه هنمشى
ولقيت الست هانم الصاروخ جاية ومعاها اكتر من يـيـجى 15 واحد
وشاورت على جمال وقالت / هو ده اللى عاكسنى
وجريو على جمال
وطاخ ....بوم ... طاخ.....تراك ....زيو...
وعلى م لحقـته وسلكتـه منهم كان هيموت
اصبرو بس ياشباب فى ايه
هنقولك بعدين
وهيهجمو عليه تانى
قلت ياواد شغل الجمجمة بسرعة وجاتنى فكرة وقلت / ياصابت يا انضربنا احنا ال2
قلت لهم / استنو بس الراجل ده عنده ضيق فى الشريان التاجى ومحتاج تغيـيـر صمامين فى القلب وممكن يموت فى ايديكم وهتبقى مصيبة
وهديو شوية
لكن فى منهم مجموعة نازلة فيه شتيمة
وقلت ف بالى الشتيمة مش مشكلة هيسكتو دلوقت
وخلاص يااخواننا وحقكو عليا وانا اسف ومعلش
وزعيمهم بص لجمال نظرة نارية وقال / احنا هنسيبك علشان خاطر الراجل الطيب ده
متشكرين ياسيدى اصيل والله
ومشيـو وطبعا قعدنا نعدل هدومنا ونسرح شعرنا ونظبط البهدلة اللى اتبهدلناها وادور على المندوب مش لاقيه
ولقيته واقف بعيــيــيــــيـــيــد
ايه يابنى واقف بعيد ليه
ياعم انت وجمال كل شوية توقعونا فى حكاية وانا تعبت بصراحة ودول كتـيـر يعنى كانو هيموتو واحد فينا
طيب ياجبان تقوم تسيبنا وتمشى
العمر مش بعزقة
ههههههههههه وضحكنا
ومسكت جمال بهدلته ووعدنى انه هيسكت
ومفيش دقيقتين بعد هذا الوعد
بص ياخلودة شايف الصاروخ ده
ولسه هينطق ويعاكسها
روحت ماسكه من ياقة القميص بعصبية
اسكت ياجمال انت محرمتش
اعمل ايه اصل البرفان شغااااااااال
ههههههههههههههههههههههه