[sad-bird]

المشاركة الأصلية كتبت بواسطة Injection أنا جيييييييييييييييييت قعدت أقرا فى المشاركات الجديدة حوالى ساعة, وكورسير ماشاء الله عامل بتاع 20 صفحة لوحده تقريبا بيرد على الموضوع كله فيهم, شكله كان قاعد العيد فى البيت (NO DISRESPECT ياأبو حميد, الحال من بعضه) خالد باشا, برغم أنى زعلان علشان حضرتك خلصت حكاياتك, بس أنا فرحان لحضرتك علشان هتستريح شوية من الكتابة ومن المراجيح, وحضرتك تعبت معانا أوى فى الموضوع, سواء فى الكتابة الكتييييير, أو تنقيح القصص وتنسيقها, شكرا يا كبير. ومستنى حتى أخر حكاية. سألت عليا مرتين يادوك وتأثرت جدا بسؤالك, شكرا ياباشا. والله أنا كنت زهقان وقضيت العيد فى البيت تقريبا ال 3 أيام قدام اللاب وساعتين ولا حاجة قدام التلفزيون, بس مدخلتش على المنتدى كتير علشان موضوع الكيبورد الأنجليش بس, ومبحبش أدخل من غير ما أرد. ولولا طلعت عينى, العجلة الأمامية اليمين نامت تانى وغيرتها بالأستبن الشبه ممسوح, وكنت هطير واحد علشان العربية حدفت منى وأنا ماشى على 70 وبفرمل وبألف فى نفس الوقت, وطبعا الكاوتش الممسوح مبيمسكش فى الأرض كويس, فالعربية كانت هترسم دواير. بس بصراحة الراجل اللى كنت هدوسه هو اللى كان واقف فى الحارة اليمين فى الشارع, بس طلع ذكى وأول ماسمع الصوت المتوحش بتاع لولا وشاف الأكصدام الأسود جاى عليه تقهقر لورا على طول, وبذلك قدر يرجع سليم لعيلته ويدى لولاده العيدية ويجيبلهم الكحك وعاشوا فى تبات ونبات. حمد الله على السلامة ياعمرو الف سلامة عليك وعلى لولا ربنا يسترها اكيد حد نشك عين وانت بتجري بيها مرة والا حاجة بعيدا عن دريم بارك اللى فتحت فرع جديد فى الموضوع, الموضوع تحفة ومعلم من معالم المنتدى, ورغم الأنسحاب الجزئى للأستاذ خالد لالالالالالالالالالالا هو منسحبش هو واخد راحته بس لا ضرر ولا ضرار ولا يسيبنا نتفلق هنا ونقلبها مراجيح ولا يركن شغله وحاله علشاننا بس أنا متفائل خير فى الموضوع, ومستنى باقى حكايات أستاذ جاديكس, وحكايات الناس الكوبارة اللى ماليين الموضوع تعليقات, دكتور محمد تشجع وحكى, بس لسه فيه الأحمدين بيستخبوا ورا تعليقاتهم الفكاهية, فين الحكايات؟؟؟, وفاطومة برضه, فين الملاحم والحكايات الأسطورية اللى هتتكتب فى كتب التاريخ, مش معقول مفيش حد فيكم مسافرش قبل كده أو معندهوش حكاية من هنا ولا من هنا؟ P.S: الف مبروك لفاطومة (عارف أنها جاية متأخر) على الخطوبة, وعقبال ما نباركلك فى فرحك يارب, وعقبال ما تصوريلنا سبوع فاطومة الصغيرة, بس أبقى أحجزيلى جاتوهاية بالشكولاته. وانا كمااااااااااااااااااااااا اااااااااااااااااااااان وابو نسمة وابو دنيا وابو خليفة مش بيحبو الشيكولاته هاخد انا نصيبهم وكل أسبوع وأنتم طيبين.

عيب عليك ياعمرو
انت هتدخل كل اسبوع والا اييييييييييييه