[sad-bird]

المشاركة الأصلية كتبت بواسطة خالدخليفة سلوكيات غريبة فى الاقاليم 1ــ من يـملك سيارة اى سيارة ولو نصف نقل او حتى سيات 133 مع احترامنا لاصحابها لكن تجده يمشى فى الشارع ولا الملك فاروق أيده خارجة من العربية وراكن ضهره لورا بكل عظمة ماشى هو حر فى نفسه لكن معاملاته مع الناس تجدها فيها نوع من الكبر(بكسر الكاف) عليهم وخصوصافى البلاد الصغيرة وتجده يركن صف تانى ويسد الشارع ويكون الشارع ضيقا بتفكرني بواحد جارنا في طالب جامعي جايب عربية سيات وعاملها ولا عربية سباق وطول الليل والنهار ينضف فيها ويروقها واي حد من اصحابه جايله لازم تلاقيهم واقفين جنب العربية وقاعد يوريهم حاجات فيها تقولش اخترع حاجة مهمة والا ايه متفهمش دلوقتي الحمد لله عقل وكبر وبطل هيافاته دي وجاب شاهين لو بصيت فيها تقرف من منظرها عامله زي عربية واحد حبيبنا كان رامي فيها علب الكانز والجرايد والبقع قااااااااااااااااااااد كده فيها 2ـــ الافراح فيه بلاد جنبنا الافراح دي مصييييييييييبه الطريق يتقفل ويدوب ممكن يسمحوا ان فيه عربية واحده تعدي يا رايح يا اما جاي وتلاقي زفة ماشية بالطبلة والمزمار والعشا ماشي وراهها كل واحده ماشيه شايله صينيه وراهم هدايا من ام العروسة حاجات غريبة كده وقدام ده كله رجالة العيلة كلهم يارب يكونو 1000 واحد كلهم لازم يروحوا يودوا العشا او الفرش النكتة بقى الفرش كله ممكن يتحط على عربيتين ويترص رصة مظبوطة ويروح دول لأ لازم تلاقي طابور عربيات 10 عربيات والا حاجة وكل عربية شايله حاجة ومرة بقول لاوحد ايه ده هما عاملين عرض للفرش اللي رايح قالي لا عاملين عرض للحاجات الخفيفة الفرش التقيل راح امبارح 3ــ حالة المصريـيـن من سىء الى أسوأ فى كل شىء وللاسف الترمومتر نازل مش طالع وقد قال الشاعر حافظ ابراهيم متحدثا عن الاخلاق وان اخلاق القوم ضاعت فأ قـم عليهم مأ تـما وعويلا no comment 4 ــ الصعيد وهو الذى يجرى منه النيل الى باقى مصر بنسبة 95% لايشربون ماء نقيا ولانظيفا ولا اى احد يهتم بهم واذا دخل بك القطار محافظة اسيوط مثلا ستنبهر من المنظر العام للمحافظة منظرها شيك ورائع فعلا وجميل حقيقى والجميع يجمع على انها فعلا تستحق لقب عاصمة الصعيد لكنها افقر بلاد الصعيد ......وعجبى (على رأى صلاح جاهين) أصلهم عارفين ان المياه نظيفة من منبعها لما كنا في اسوان كانو المراكبية يملوا لنا مياه من النيل ويقولوا اشربوا ومنرضاش ونقرف يقولو والله المياه نضيف انتو اللي بتلوثوا المياه من بحري لكن احنا هنا بنحافظ عليها وقد كان ملى زجاجة مياه ونبص فيها اننا نلاقي شوائب ولا حاجة فيها مفيش 5 ــ من اعجب مارأيت شخص اشترى سيارة 132 قديمة وحالتها سيئة فى بنها ب35000 جنيه ياعم دى م تساويش م انا عارف انا اشتريتها علشان نمرتها 111 ملاكى قليوبية اي كمين ميقدرش يكلمنى ايه العقلية دى وفوجئت انها حالة عامة الموضوع بالضبط زي يوم القطار لما لقيت حجزك رقم 2 في العربية ابام النمر القديمة اي عربية في القاهرة 4 ارقام او فيها رقمين زي بعض ، وفي المحافظات اي عربية رقمين او 3 ارقام وفيهم رقمين زي بعض تبقى بتاعت حد مهم ، مفيش حد بيعترضهم في كمين او على الاقل بيتخفف التفتيش عليهم اما صحيح بلد نمر 6ــ علاقات المصريين بينهم وبين بعض كل شوية فى النازل هذه ملاحظات للاسف مؤلمة لكنها الحقيقة وهى ليست فى الاقاليم فقط ولكن فى القاهرة ايضا

للأسف بدأت المواضيع دي تنتشر في الاقاليم كمان