نصائح بخصوص لحام العجل؟
السلام عليكم ورحمة الله وبركاتة
انهردا نزلت لقيت العربية عجلتها اللي ورا شمال جاية الأرض
وهي اصلا كانت بتقل بقالها كام يوم,
المهم رحت للراجل بتاع الهوا يكشف عليها
***قام رش عليها مية و صابون من قزازة كانت معاة***
و قاللي فيها مسمارين
واحد كان بيخليها تنفس
والتاني هوا اللي جابها الأرض
المهم قولتوا يعمها باللحام الأمريكي و هيا واقفة
والراجل شغال جالي واحد شاب زي و قالي خلي بالك من الناس دول علشان هيقولك دي فيها خروم كتير و هيفضل يعملك لحامات ملهاش لازمة وانت مش فاهم, و حكالي انه اضحك عليه قبل كدة علي الصحرواي و عمل 10 لحامات و كل ده بسبب حركة رش المياة والصابون من القزازة, عشان الصابون بيخلي المياة تعمل رغاوي عالفاضي وتفتكر انت انها فيها خروم.
فنصحني اني مكشفش علي العجلة ابداً إلا في حوض و خصوصاً لو الراجل قال انها فيها اخرام كتير !!
بس فحبيت اني اشاركم الكلام ده و اشوف لو حد منكم حصلوا حاجة زي كدة قبل كدة ولا لأ؟
|