[حسام البورسعيدى]

سواقة السيدات سيئة فى رايى وده لكذا سبب من وجهة نظرى ..

اول سبب انهم اخدين السواقة حفظ مش فهم ..
يعنى اول ما تركب العربية تفتكر .. الخطوة الاولى امور .. الخطوة التانية ادور .. الخطوة التالته اجيب الاول ...... كدة .. والدليل انهم ساعات بينسوا ينقلو الفتيس مع ان العربية بتكون مخنوقة جامد معاهم ..

وتانى سبب انهم بيلزقوا نفسهم ادام الدركسيون وتلاقى الست من دول مش عارفه تلف الدركسيون او تتحكم فية بسبب قربها الشديد منه .. وبينتج عن كده انهم بيميلوا للمشى فى خط مستقيم



طبعا مش كل الستات كده لكن نقدر نقول 80% منهم

وبدى الستات 4/10

والحل من وجهة نظرى فى التعليم لازم يكون صارم شويه ويكون فيه حصص كتير فى الزحمة واماكن ضيقة علشان تديلهم ثقة فى نفسهم


ولو ست خبطتلى العربية هشوف اذا كانت مؤدبة ومش قصدها وبتتكلم بطريقة كويسة هسامح وامشى لو خبطة بسيطة واقول عوضى على الله

لكن لو كان لسانها طويل هتكلم معاها بادب صارم ومش همشى الا لما اخد حقى بس بالادب ...