[alymonir]

المشاركة الأصلية كتبت بواسطة sad-bird يا استاذ علي دي احتياطات امنية بيصنف كل الموجوده على انه مشتبه فيه وبعدين يصفيهم واحد واحد واللي شايفين انه متطرف بعد كده بيسحبوه على المعتقل على طول بلا نقاش لكن السؤال المناقض تماما بقى الفترة الاخيرة دخلت اكتر من مسجد ولقيت فيهم ناس المفروض انهم احد تيارات الدعوة ولقيت كلامهم فيه حاجات غلط كتير او بمعنى ادق بياخدوا بعض الاحاديث الصحيحه ويتكلماو شوية ووبعدين يدخلوا المشتبه فيه مع الصحيح مع المغلوط مع الاسرائيليات وفي النهاية يديلك كوكتيل عجيب كده ملوش طعم وللأسف الكلام ده بيحصل في اماكن اغلبها شعبيه وبيكون ليه تأثير قوي على الناس وطبعا الناس على قدر ضئيل من المعرفة بيكون تعصبهم لكلام الجماعات دي كبير وبيستضيفوهم وبيسمعوا كلامهم ولا كانهم الشيخ الشعرواي رحمه الله عليه وبرضة من ضمن النموذج النقيض احد المذاهب الاسلامية المغالي في بعض الامور وكان له واقعة شهرية في مدينة 6 اكتوبر من كام سنة ) كانوا فين بقى الجهات الامنية والناس دي بتبث فكرها في وسط الناس وبتعمل فرقه وحزب طائفي لوحده مش كان من باب اولى الوقاية من الموضوع ده خصوصا ان اصحاب التيار ده واللي بدأوه مش مصريين، بدل ما نيجي النهاردة نلاقي نفسنا في وسط معمعه وانقسام بين الناس وقريب هيحصل فينا نفس اللي بيحصل في دول تاني ( والحدق يفهم بقى انا مش هفسر اكتر من كده )

السلام عليكم
أتفق معك في أمور و أختلف في أخرى و معلش اعذرني سوف أقتبس طريقتك في الرد من خلال نقاط :
1- هل الاحتياطات الأمنية لتصنيف الناس على أساس الدين أهم أم الشباب الفاسد و المخدرات و التحرش الجنسي و هتك الأعراض و و و و ... ؟؟؟
2- من الذي يثبت تطرف المشتبه فيه ( على حد تعبيرهم ) ؟ مش كل مواطن له حق في التحقيق معه بشكل رسمي و احضار محامي و قضية و أشياء من هذا القبيل ولا هوة المعتقل على طول ( قانون الطواريء ) ؟؟
3- المساجد التي دخلتها و كان فيها ناس بيقولوا كلام غلط مع كلام صحيح بيوجهوا الناس للحرام واللا الحلال ؟ طبعا إحنا متفقين ان كل فئة فيها الكويس و فيها الوحش بس أيهم أكثر فسادا؟ , شيخ في مسجد بيقول كلام بعضه خطأ ( مع اتفاقنا أننا لا نقر أحد على خطأه ) ولا الفنانين و الفنانات اللي بقوا بيفتوا في الدين كأنهم علماء القرن و الفساد اللي شغال على ودنه حتى في نهار رمضان ؟؟
4- أنا لا أعرف ما هو التيار المقصود ولا جنسيته و لكن المقصود , لماذا يكون التعامل الأمني هو الحل دائما , و معروف أن الفكر يواجه بالفكر , لماذا لا يسمح للدعاة الربانيين و العلماء العاملين و تنشئة جيش قوي من الدعاة لصحيح الدين و الوسطية ليشغلوا مكان هذه الفئة التي ذكرتها ؟؟؟
و اتمنى ألا تزعل مني و الخلاف في وجهات النظر لا يفسد للود قضية