[aymanlaw]

الأصدقاء الأعزاء --- المغامرون الى مش عارف عددهم ولكنهم اقتنوا سيارات صينى وعلى وجه الخصوص اصحاب السيارات جاك --- اولأ:كل عام وحضراتكم بخير بمناسبة عيد الفطر العظيم اعاده الله سبحانه وتعالى عليكم وعلينا بليمن والبركات -- اما بعد---- اسمحوا لى ان اتطرق لموضوع يمكن يكون بسيط او يكون مش مهم -- ولكنه مستفز حيث انه منذ شروعى فى شراء سياره وعلى وجه الخصوص الصينى --- وجدتنى بتكعبل فى غابات الفتايين والفاهمين دون غيرهم والمتابعين ومنتظرين الغلطه ومعهم سكاكين العجل حتى يتم التقطيع !!! هذا بلأضافه الى الفلاسفه يعنى بلعربى كده واحد حافظ شوية مصطلحات عربى على انجليزى وبيشتغل فى مجال يمكن يكون له علاقه بلسيارات ولكن مش فى صميم التصنيع او الميكنه يعنى شركة بترول او انشاءات وعليه يكون فيه استخدام للسيارات الهفى ديوتى او الفور باى فور --- معلش هطول على حضراتكم شويه لأنى شفت وتابعت سيارات يعنى متابع كده بقالى ثلاثة سنوات --- على سبيل المثال وليس الحصر!!! لى قريب عنده سياره فولكس فاجين جيتا مودبل 2008 وجدت ايه ؟؟؟؟؟ الفوانيس الأماميه للأسف طوست اى تغير اللون الشفاف الى لون شبيه بلدهبى المجرح يعنى الفوانيس مجرحه وكأنها تم جليها بلرمال --- وايضا مرسيدس عيون نفس الشىء --- ولكن تعالى بقه للصينى لو الفوانيس بدأت تغير من جلدها يبقى الساده اصحاب الصينى اشتروا الترماى الصينى حاجه عجيبه يعنى لما ادفع 180000 فى سياره جيتا ويحدث تغير فى فوانيسها بهذا الشكل ماهو شعور صاحبها وما هو مقدار المصداقيه لمثل هذه الشركات العملاقه وصاحبة الخبره العريقه فى صناعة السيارات --- والله انا كتبت هذا الرغى لأنى كنت مقتنع بأن السيارات الصينى بس هى الفوانيسها مثل فوانيس رمضان ولكن اتضح انه مش الصينى بس ولكن كل السيارات او معظمها معرضه لذلك وعلى سبيل المثال سيارتى القديمه النوبيرا( 1) ثم مارأيته من سيارات غاليه جدا وذات سمعه عالميه تدخل فى زمرة فوانيس رمضان زى مبيقولوا المتفزلكين !!!! يعنى لاتعيرنى ولاعيرك الهم طيلنى وطيلك !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!!! وكل سنه واتم بخير--- ايمن عبدالمنعم