[خالدخليفة]

المشاهير
فى رحلاتى الكثيرة قابلت بعض المشاهير
عادل امام
حوله هيصة كتير ومتعنطز او منفوخ والعظمة لله فقط ويمشى وحوله شلة عاملة هيصة له وكأنه مثلا وزير او غيره والا حتى وزير فيجب ان يحترم من حوله ولايفسد سفرهم
لكن تقول ايه ابتسم انت فى مصر
محمود الخطيب
انسان محترم وعلى خلق (نحسبه كذلك ولانزكى على الله احدا) رأيته فى محطة اسكندرية سيركب معى نفس القطار التوربينى (اللى عليه علم مصر)ثم رايته يركب معى نفس العربة ووصلنا سيدى جابر وتحركنا الى القاهرة ولاحس ولاخبر
هو نزل والا ايه
الراجل ده راح فين
ثم نزلت فى القاهرة لاجده مستعدا للنزول ولا كأنه لم يكن راكبا من اصله
وتخيلت اننى سأجد حشدا من الناس فى انتظاره
ولكننى فوجئت بأنه لم يكن هناك احدا فى انتظاره
كان كالنسمة لم يحس به احد لاراكبا ولانازلا حتى ان هناك اناس شكو فى ان يكون هذا محمود الخطيب بل ربما واحد شبهه لكنى اعرفه من زمن بعيد وقابلته فى النادى الاهلى كذا مرة
مرتضى منصور
انا لا انسى هذا اليوم الذى لم تطلع له شمس يوم ان ركب مرتضى منصور
وكان نازلا طنطا بلد حبيبه شوبير
فطول السكة هيصة ومولد فى القطار
وكان ايامها انتخابات الزمالك اللتى نجح فيها ثم اوقفوه
وانا هعمل وانا هسوى وانا....وانا....وانا ......وانا .....
وحين نزل من القطاراحسسنا جميعا بالهدووووووووووووووووء
فقال احدهم / والله ليهم حق يوقفوه اذا كان رحلة ساعة جابلنا صداع اومال رئاسة نادى دى هيعمل فيها ايه
ابراهيم المعلم ( عضو مجلس ادارة النادى الاهلى وصاحب دار الشروق)
جلس بجوارى حيانى وحييته تعرفنا لمدة دقيقتين 2 بالظبط
ثم لم يتوقف عن استعما ل التليفون حتى الاسكندرية وكان صوته خفيضا لاتكاد تسمعه رغم انك بجواره
محمد هنيدى ( الممثل)
لااستطيع الا ان اقول سوى كلمة واحدة
مهرج
طول السكة هزار وضحك ولاكاننا فى قطار مطلوب فيه الهدوء
لكن الشىء الملحوظ ان المشاهير اذا مشيو او ركبو مواصلة او حاجة معاناة مع الناس
والله الواحد بيعذرهم وانا حصل لى موقف فى القطار حكيته فى اوائل هذه الصفحات حين اعتقدو انى عضو مجلس شعب شىء يغيظ والواحد بيشفق عليهم احيانا وان كان البعض منهم من محبى الشهرة بينبسط بلمة الناس حواليه ويعقد مؤتمرات ويهيص ولاكأنه فى قطار