[mbisar]

اولا : فكره ان الكروز سياره امريكانى و متصنعه فى كوريا ده فى صالحها لأن شركه عريقه زى جنرال موتورز مش هتعمل حاجه تعبانه يعنى و تحط عليها العلامه بتاعتها العلامه لوحدها تساوى فلوس
ثانيا : انا معاك ان سعرها مبالغ فيه بس مش للدرجه دى الفروقات بينهم بسيطه و بعدين حضرتك كل العربيات فى مصر سعرها مبالغ فيه دون استثناء
ثالثا : حضرتك ممكن تقارن ما بين الكورى و اليابانى لأن النعومه متوفره و الأداء الجيد متوفر و اقتصاد فى البنزين متوفر و التكيف القوى متوفر و العزل و الكماليات و الرفاهيه متوفره فى السياره الكورى ايه بقا المانع انى اقارن ما بينهم و حضرتك الناس فى امريكا بيركبو الكروز و بيسيبوا الكورولا و الفانتازيا و الجيتا رغم تقارب الأسعار موضوع العقد بتاعت اليابانى و الأوروبى دى مش موجووده غير عندنا بس
رابعا : عندك حق الأستهلاج فى البنزين اعلى شويه بس لما تحسبها على الواقع هيطع ايه يعنى 20 جنيه فى الشهر اعتقد انه مش كتير اوى يعنى اما بالنسبه لموضوع الموتور اقدم فى التكنولوجيا يعنى حضرتك عايز تقول ان السيراتو بتمشى على سرعه 250 كيلو فى الساعه مثلا ماهم فى الآخر بيمشو زى بعض و حضرتك ممكن تجيب بالكروز لحد 180 و كمان هتبقا اثبت من السيراتو لان ثبات السيراتو وحش اما بالنسبه لموضوع التسارع فده شىء يرجع للى بيركب العربيه لو واحد كبير مش بتاع تنطيط و شد و غرز اكيد مش هيفرق معاه اما لو شاب بتاع تنطيط يبقا السيراتو حسن
خامسا : الشكل ده ازواق و حضرتك طبعا ده رأيك و ناس كتير شايفه كده و انا شايف ان الكروز احلى من السيراتو و الكورولا و السيفيك و اللانسر و الفانتازيا و الجيتا ووالله ده ما تحيز ليها بس ده رأى شخصى اما بالنسبه للشكل الداخلى و ده مهم جدا بحس ان السيراتو خاماتها فقيره جدا مقارنه بالكروز