الموضوع
:
ايه احسن عربية هاتشباك صينى؟
عرض مشاركة واحدة
#
8
08-09-2010, 01:19 AM
aboelesaad
Guest
المشاركات: n/a
رد: ايه احسن عربية هاتشباك صينى؟
المشاركة الأصلية كتبت بواسطة ahmed_darhos
بص حضرتك لما نيجى نتكلم على العربيات الصينى ماينفعش نقول اختبارات تصادم و الكلام ده .. لأنها كلها لم تنجح فى أى اختبار تصادم أوروبى أو أمريكى .. علشان كده هما عملوا فى الصين اختبارات تصاده خاصة بيهم.. يعنى كل الفيديوهات اللى على النت هى من اختبارات التصادم الصينية .. و ده طبعا ذكاء من الصينيين..
حضرتك أنا معاى ام 11 ... يعنى مش ضد الاسبيرانزا ...
بس لعلم حضرتك شركة جريت وول من أعرق الشركات الصينية لصناعة السيارات يعنى سوقها فى الصين أكبر من الشيرى...
و الاسبيرانزا A113 عربية جيدة .. بس مشاكلها كتير.. و أنصح حضرتك تروح أى مركز صيانة اسبيرانزا فى أى يوم و تقابل ملاكها على الحقيقة و تاخد رأيهم.. و من رأيى الشخصى أهم ميزة فيها هى انها منتشرة.. يعنى مش هتلاقى مشاكل فى قطع الغيار..
بس بناء عن تجربة شخصية لاتنين من أصحابى الجريت وول بيرى أفضل منها بكتير.. و أصبح ليها وكيل قوى جدا فى مصر و هو تحالف عزالعرب مع البافارية..
و فى الاول و الاخر صلى استخارة و ربنا يوفقك للاختيار السليم..
تقبل احترامي
بس علي فكره
والدي من ملاك 516 من 3 سنين
واخويا من ملاك 113
وانا من ملاك الm11 من اول شهر 6/2010
ومحصلش معانا اي مشاكل الحمد لله
واعرف ناس معاهم الباري بيشتكو منها جدا و صاجها مش كويس علي عكس تماما الشيري ماشاء الله بتتحمل و الله حاجات كتير
وعلي فكره عملت كتير الي بتقوله اتقابل مع الناس و اشوف ارائهم لان انا بحب الاسلوب ده اساسا
اينعم لقيت في بعض المشاكل منكرهاش بس مشاكل فرديه وده طبيعي اساسا
اما في كون الاختبارات الصينيه
. فانا عارف انها صينيه و مفيش الا البريليانس دخلت و فشلت بجداره
علي عكس تماما الشيري الي سمعت هتدخل ب m11 قريب جدا في اختبارات التصادم الاوروبيه
ولو دخلت علي فكره هتثبت كفائتها و جدا
وربنا يبارك للجميع
وتقبل تحياتي