[sad-bird]

الموضوع ده افتكرته في موضوع علم مصر قلت اقوله بالتفصيل هنا بقى مهو ده بيتي

فيه حد عنده مانع؟؟؟؟؟؟؟؟؟؟


اه بحسب لحسن حد يكون عنده اعتراض والا حاجة


في يوم من الايام كنت اعمل اخصائي اعلام تربوي (مهامه كبيرة جداااااااااااااااااااااا في اي دولة خارج وطننا الحبيب لكن هنا الاستاذ بتاع الاذاعه ..... هم يضحك )

طابور الصباح اليومي وفقا للوائح المفروض يكون على اقل تقدير نص ساعه نصهم للاذاعة المدرسية وكلنا عارفين محتواها الذي لا يغني ولا يسمن من جوع

في يوم اتهبلت في عقلي وقررت اني اعمل برنامج اذاعي نص محترم وكان ايام الانتفضة في 2001 تقريبا

قولت لمدرس التربية الرياضيه ابدأ الطابور بدري شوية عليان عاوز شوية وقت
قالي ماشي
ولأن الاطفال حتى وان كانو مشاكسين عندهم بقايا وطنية بدأت تندثر في الاجيال القادمة عجبهم الموضوع قوي
بدأنا بايات النصر في القرآن الكريم ثم حديث شريف عن مصر ، ثم قول مأثور عن سيدنا عمر عن القدس ، ثم برنامج حواري لا يتعدي دقيقتين عن بعض المعلومات البسيطة عن فلسطين والقدس ، ثم اخبار اليوم وكانت اغلب الاخبار عن الانتفاضة لانها كانت الشغل الشاغل وقتها للصحافة المصرية ثم انتهاء الطابور ولأني كنت المتحكم في كاسيت المدرسة لأن مفيش ادوات موسيقية او مفيش مدرس موسيقي او طلبه بتهتم بالموسيقي ( الله اعلم ) فكانو بيطلعوا الفصول على الشريط ده وكان فيه اغاني وطنية كتيرررررررررر لكن العيال مش فاهمينها علشان الميكروفون بايظ وكمان لان الكاسيت قديم وبايظ
جبتلهم شريط الحلم العربي وطلعت الطابور عليه
الطلبة المشاغبين ، اللي محدش بيقدر عليهم ، واللي مطلعين عين كل المدرسين والتهريج اللي بيحصل في الطابور كل يوم كل ده اختفى تمامااااااااااااااااااااا ا
الطابور ماشي بنظام بدون حتى ما بيستنو توجيه من حد يمشيهم وكلهم ما شاء الله صفين متوازين لو مسكت مسطرة هتلاقيهم مظبوطين وكلهم في نفس واحد وصوتهم ولا كأنهم في الاوبرا ونفسهم مع بعض ومظبوطين بدون نشاز وبدون اي حاجة تذكر
والولاد لما قابلوني في الفسحة الله عليك يا استاذ ، هتكمل الموضوع امتى ، عاوزين نشارك معاك في الاذاعة ( لان العدد اللي كان مشارك وقتها 5 طلبة بس فوجئت باكتر من 100 طالب عاوز ينضم لينا )
النكتة بقى
مدير المدرسة

كل شوية طلع الطابور يا استاذ
حاضر يا باشا من عنيا الحصة الاولى الساعه 8 الساعه 7.50 ، الساعه 7.51 الساعه 7.55

بعد ما الطلبة طلعوا ( راجل محترم الله يرحمه مرضيش يهزقني قدام الولاد ههههههههههه)

انت بتستهبل انت بتهرج اذاعة ايه دي اللي هتعملها لنا طابور ساعه هو احنا قادرين نقف خمس دقايقه توقفنا ساعه
وانا بكل بلاهة
فيه ايه
فيه ايه ...............، مستطردا متعرفش فيه ايه
مستطردا مرة تانية فيه ان حضرتك مذنبنا ومذنب الطلبة ساعه بحالها وعاوز تعملنا ثورة في المدرسة ( فاكرين فيلم محمد فؤاد بتاع تسقط الفلكة والعيال عاوزة تخرج تعمل مظاهرة لفلسطين أهو ده كان ممكن يحصل معايا بنفس السيناريو ههههههههه وكنت هبقى كده رايح رايح مارينا)
اولا انا مش مذنب حد ده حق الطلبة وحقي واللائحة بتقول ان الطابور مدت..................... ( مكملتش كلامي )
طظ فيك وفي اللائحة
متشكر
وانت متحول للتحقيق
اولا بتهمة ايه ، ثانيا انا مبتحولش للتحقيق
ليه على راسك ريشة
لا اصلي انا متعاقد والعقد كله ستين جنية مش امله يعني فطظ في التحقيق اللي هيتعمل ومش شغال في التربية والتعليم تاني
اي اوامر تانية حضرتك علشان عندي شغل

قعد يفكر في كلام يقوله وقبل ما يكمل كلمة سيبته ومشيت وانا هموت على روحي من الضحك وكل مدرسين المدرسة الفاضيين والاداريين واقفين على باب المكتب بيسمعو اللي بيحصل وكلهم خايفين عليا وعليه ( عاوزين يتدخلوا يهدوا الموقف أو يولعوه الله اعلم بالنوايا ) كانو خايفين عليا علشان مستقبلي الاسود وعليه لحسن يروح فيها من زعيقه لانه كان راجل هادي جدااااااااااااااا واول مرة حد يشوفه بالمنظر ده

( ومكنش فعلا يقدر يعملي اي حاجة لاني لو مشيت هتحصل مشكلة كبيرة لان مفيش بديل ليا وشغل الاعلام التربوي كان متوزع على المدرسين وكلهم قرفناين اصلا من شغلهم قال يعني بيعملوا حاجة دول بينقلوا تحضير السنة الللي فاتت في كشكول جديد للتحضير بتاع السنة الحالية وكانوا المدرسين بيتخانقوا وكل واحد عاوز يريمي التهمة من عليه والموجه لما كان بيجي مكنش بيلاقي حد يقعد معاه كل واحد مشغول في حصته ولموا الشكاكيل يا ولاه وهاتوها للراجل يمضي عليها خلونا نخلص )


وتخلصت من الورق الباقي ورجعت للنظام المعهود
وكل ما حد يكلمني فين شغلك
1. هاتولي ميزانية
2. هاتولي تصريح امنى اشتغل
خلصت السنة دي وومكررتهاش تاني
بعدها بسنة المدير اتنقل ترقية لمدرسة تانية ( اداريا له الحق انه يكون مدير ادارة لكنه مكنش عاوز يسيب البلد او يبعد عنها وبعدها بسنة الكبد تعبه واخد قرار امراض مزمنه ومكملش سنة كمان وتوفاه الله الله يرحمه كان راجل طيب وفي حاله وبيمشي مش جنب الحيط ، لأ جوه الحيط نفسه مش زي وااااااااااااااااااحد )

الله يرحمه