المشاركة الأصلية كتبت بواسطة نبيل عبدالرحمن
شكراً يا dragon وأنا رحت النهاردة عند الكهربائى بتاعى بناء على ميعاد سابق حجزته معاه ولقيته فعلاً جاب فيشة جديدة لكل فانوس بحيث ما يجيش جنب الضفيرة الأصلية خالص لأن العربية فى الضمان وجاب كتاوت ممتازة ركبها وساب الفيش القديمة ماقصهاش وركب الفيش الجديدة والكتاوت وجاب لمبات ألمانى مقاس 120/200 wt وركبها ، وطلعت بيها بعد الفطار فى طريق عتمه ( الطريق الدولى فى اسكندرية ) وبصراحة لقيت فرق كبير جداً فى شدة الإنارة سواء الواطى أو العالى والحمد لله ، وأريد توجيه شكرى لك على الفكرة الجميلة المفيده فعلاً لأعضاء المنتدى ، وياريت لو كل واحد عنده فكرة جديدة جربها يقول لنا عليها زيك كده
بس عايز أقول إن مش أى كهربائى ممكن يعمل شغل كويس فى العربية لازم نحرص
|
الف شكر ليك يا دكتور وفعلا مفيش اى كهربائى بيعرف يشتغل شغل نضيف انا الى عندى جبلى الضفيرة الى قلت لحضرتك عليها الجاهزة دية وبرضة مقربش للضفيرة خالص يارب فعلا يكون الموضوع كان مفيد لحضرتك ولكل الاعضاء وياريت تقولنا على نوع اللمض الى حضرتك استخدمتها وسعرها عامل كام والف شكر لحضرتك وكل عام وانتم بخير
