[mercedes]

المشاركة الأصلية كتبت بواسطة sad-bird ثانيا انت لو عملت معادلة للبكالريوس وسافرت بيه وعملت الماستر هناك انت رايح ب 3 اهداف الأول انك تكمل دراسة التاني انك تشتغل التالت انك تاخد جرين كارد والتلاته بيتعملوا في نفس الوقت عدا العمل في وقت الدراسة المسموح ليك بيه 20 ساعه في الاسبوع وبسسسسسسسسسسسسس ثالثا بعد لما تعمل المعادلة وتاخد الشهادة الأعلى من حقك انك تعمل في نفس الدولة خصوصا لو اخدت الجرين كارد لو مأخدوتش بطلع ترخيص مؤقت وبيتجدد كل فترة على حسب نظام الدولة

السلام عليكم و رحمة الله و بركاته

حكاية المعادلة دى مش موجودة من كل الدول , يعنى أنا لو خريج طب فى كندا مثلا و جاى عاوز أشتغل فى مصر ولا فى ليبيا و لا فى السعودية ولا فى الامارات , هحتاج أمتحن المعادلة ؟؟؟؟!!!!! , أكيد لأ طبعا , كل اللى هحتاجه , هو توثيق الشهادات بتاعتى من السفارة بتاع البلد اللى أنا رايحها و خلاص , لكن لا همتحن و لا حاجة .


أنا مش عارف النظام فى استراليا ايه , بس اللى أنا متأكد منه مليار فى المية , ان يستحيل أنك تمارس مهنة الطب و تعالج مريض فى أمريكا أو كندا الا ادا كنت عامل المعادلة و بعدها واخد ترخيص بمزاولة المهنة فى البلد اللى أنت فيها , حتى لو معاك جايزة نوبل فى الطب تقديرا لانجازاتك فى الأبحاث ضد السرطان مثلا.

الحالة الوحيدة اللى تخلى الجراح الأجنبى مثلا , يعمل عملية جراحية لمريض مثلا فى أمريكا أو كندا بدون مايكون عامل المعادلة و معاه ترخيص مزاولة المهنة فى البلد دى, أنه يكون فلتة , لاجه قبله ولا بعده , اللى هو ممكن يعنى ( مش متأكد برضه ) زى مجدى يعقوب مثلا فى جراحة القلب !!!!!!!!!

اللى أعرفه بالنسبة لاستراليا , بلس اعدرنى لأن معلوماتى محدودة , أن فيه معادلة استرالية للطب و ليها امتحانات هنا فى مصر .

أنا بصراحة مش عارف , نظام العمل فى باقى المهن ايه فى البلاد المحترمة دى , بس اكيد هيكون اسهل من الطب , لأن الطب أصعب شئ فى المعادلة بتاعته لأنه بيتعامل مع أغلى شئ عندهم و هو البنى آدم ( زى مصر بالظبط ) , هههههههههههههه .

مرسيدس اس430