[احمد بدر1978]

المشاركة الأصلية كتبت بواسطة خالدخليفة سلوكيات الصعايدة مع السكة الحديد(1) والله الواحد تعبان لكن زهقت وتعبت من نومة السرير ولذلك هكمل كتابة والصعايدة قرايبى ليهم نظام فى ركوب القطار لايحيدون عنه أبدا وخصوصا فى محطات القاهرة والجيزة وسيدى جابر واسيوط وسوهاج مبدئيا تجد القطار داخلا الى المحطة سواء العادى او المكيف وتجد ناس اكتر مما يتحمله القطار ثم تجدهم كلهم ركبوا وتزاحمو وتشاجرو وعند خروج القطار من المحطة تجد اكتر من 80 % من هؤلاء يقـفـز من القطار أى ان المسافرين 20% فقط ودائما كنت اجد نفسى وحيدا على محطة القطار (لانى دائما مسافر)فأجد الواحد جاى ومعاه ييجى 40 واحد يركبو كلهم وينزل 38 ويسافر 2 وطبعا ساعة ركوب هؤلاء تحدث هيصة رهيبة (سنتحدث عنها ) ويعطلون المسافرين فعلا وهذا دائما يحدث مع ركاب محافظات الصعيد الجوانى من اسيوط وانت داخل حتى اسوان لكن تكون الصورة اشد قسوة بالنسبة لمحافظات سوهاج وقنا والأقصر(مش عارف عملوها محافظة ليه وهيا كلها 3 شوارع ونص ومشيتها كلها على رجلى ) واسوان فتجد الواحد من دول مسافرومعاه فرقة واذكر مرة سألت واحد جارى ايه يابنى محدش شافك النهاردة كننا بننزل فلان اصله مسافر البلد فأنا فاهم وسأ لته /وبتركبوه ليه هو مبيعرفش يركب فبص لى باستياء وقال / اصلك صعيدى اسيوطى ومن هنا كمان متفهمش يعنى ايه نروح ننزله طب فهمنى فقال باستياء / ياشيخ اسكت ياشيخ ومفهمنيش حاجة ثم نأتى لما يحدث ساعة ركوب القطارات ومابعد مسير القطار اولا / فى القطارات المكيفة حينما يدخل القطار الى اى محطة من هؤلاء ويقف تماما تجد العجب اصوات تنادى على بعضها وكأنهم تايهين من بعض وناس تجرى داخل القطار رايحين جايين يامحمد(بكسرالميم الاولى )يا حما (يا أحمد لكن الالف لاتنطق عند الصعايده وتفخيم الحاءوابدال الدال الف ) ياحسين /ابراهيم /مصطفى (بفتح الميم والطاء والفاء ) شىء عجيب ورغم ان الكراسى محجوزة وكل واحد هيقعد فى مكانه لكن لاتنتهى هذه الهيصة الا بعد مسير القطار بحوالى ربع ساعة وبعد قفز شلة المودعين كلهم يهدأ القطار نسبيا ثم يبدأ كل واحد يحكى عن المغامرة الشجاعة وهى صعود القطار وكيف انه زق ده ووقع ده ورمى الشيل(جمع شيلة / الأمتعة ) فى وش ده ثم يبدأ بعد ذلك التحرك داخل القطار رايحين جايين رايحين جايين وباب القطار الداخلى لايغلق اكتر من دقيقة ويفتح مرة اخرى وهذا فى الاسبانى لانى بابه على مفصلات لكن الفرنساوى نظرا لان بابه جرار وثقيل جدا فهو يفتح فى الجيزة ولايغلق تانى ابدااااااااااا ثم يشكون من التكييف اللى مش عامل حاجة(ورغم ان تكييفات الفرنساوى سيئة بنسبة 90% لكن فنى التكييف هيضيع له ساعة فى حجة الأبواب المفتوحة) ولكن الصعايدة فيهم عيب قاتل هويفتح الباب ولكن لايغلقة لان فى عامل وظيفته كده وهو ايضا نوع من البشاوية او البهوية فمنهم من يفتح الباب بعنطزة ثم يتركه ويمشى والمسكين اللى حجزه جه جنب الباب يقفله مرتين تلاتة ويتركه بعد ذلك وركبنا مرة من اسكندرية 10 وربع بالليل وهو قطار يقف طنطا ثم القاهرة ويستأنف المسير الى الاقصر ليصلها فى العاشرة صباحا (معاده الرسمى) وكان بجوارى رجل يبدو انه هادىء الطباع وحين دخلنا سيدى جابرحدثت الهيصة والدوشة ففزع وقال /فى ايه انا /هو ده النظام نظام ايه الصعايدة فى القطارات واتغاظ وسكت وشوية وجد ان باب القطار لايغلق اكثر من 30 ثانية سأ لنى / فى ايه هو ده النظام بغيظ / خنقتنى نظام ايه فشرحت وقلت كمان انهم عارفين ان المسافة طويلة وقعدة الكرسى مقرفة فبيحاول ينسى الكرسى شوية والشاى هو اهم سلعة فى القطار وبتاع الشاى مش ملاحق فكلهم بيجرو على الكافتيريا ونظرا لانهم فاهمين انه هيركب قطار نضيف دافع فيه ميزانية ضخمة بتعجب / ضخمة ؟؟؟ طبعا هقولهالك بعدين طب كمل ونظرا لان الميزانيه كبيرة فهو يأكل ويشرب طول اليوم عااااادى جدا ولانه هيركب قطار نضيف فهو يستعمل حمام القطار ورغم انهم يستعملون الحمام استعمالا سيئا لان القطار يخرج من المخزن وكل حماماته مغسولة بالماء والفنيك ويسافر داخل القطار اى قطار مكيف 2 وظيفتهم الحمام ومعهم فنيك لتنظيفه لكنهم ييئاسون بسبب الاستعمال السىء لانهم لايستعملون الماء احيانا واحيانا لايعرفون كيف يستعمل سيفون القطار(كثير من ركاب المكيف ليعرف كيفية استعمال سفون المكيف او كيف تفتح حنفية الفرنساوى) وهذا عيب الهيئة ايضا لانه لادليل على سيفون للحمام (اللى زى حالاتى عارفه طبعا) فكل هؤلاء الرايحين جايين اما الشاى او الحمام والقطار 15 عربة ستجد 13 حمام من حماماتها حاليا على الاقل مشغولين ووجدته انتبه وعجبه الموضوع طيب وبيعملو دوشة ليه لما يركبو غالبا اصحاب الدوشة هم الذين ينزلون فى المحطات المتوسطة مش الرئيسية مثل /فرشوط /ابو تشت /البلينا / دشنا / اسنا /ارمنت وهكذا فهذه المحطات لايقف القطار عليها اكتر من 10 ثوانى وعليه فى هذه الثوانى ان ينزل هو واولاده وشنطه بأمان تام وغالبا مايقف قبلها بنصف ساعة على الباب يجهز الامتعة وبمجرد دخول القطار للرصيف يفتح الباب وحين تهدأ السرعة جدا حتى يحس انه سيتوقف يرمى الامتعة ثم ينزل النساء والاطفال ثم ينزل هو وغالبا ماينزل والقطار ماشى فهو اخد على كده رغم ان هنا القطار سيقف كثيرا لكن تقول ايه طب والقطار يقف ثوانى معدودة ليه والله الكلام ده معمول ايام ان كان هناك نظام فعلى للسكة الحديد على اساس اختصار الوقت وكان هناك دراسا ت لحركة الركاب وبناء عليه يتم ايقاف القطار هنا 3 دقايق وهنا 5 دقايق وهنا 10 ثوانى وهكذا وغالبا سائق القطار يكون متأخرا ويعوض جزء من تأخيره بأنه ياكل كام دقيقة من فترة وقوفه على المحطة طب والناس الناس ترمى نفسها بقى طب وحكاية الميزانية ايه التذكرة من اسكندرية للاقصر ب80 جنيه تقريبا فلو واحد مسافر وعائلتة متوسط 4 افراد يبقى 750 جنيه تقريبا للسكة الحديد فقط غير مصروفات المشوار ولازم يجيب للبلد حاجات تفرحهم لانه جاى من بحرى فيشترى هريسة ومشبك وحمص وحاجات كده ضحك وقال والله انا كنت بقول عليهم همج لكن انت خلتنى اشفقت عليهم لكن طول السكة وجدته متابع لكل مايحدث / باب مفتوح / بتاع الشاى معدى وهجوم ومحاورات الصعايدة معه وعلى وجهه ابتسامة لان زاوية رؤيته تغيرت

بسم الله ما شاء الله دة حضرتك ماسيبتش حاجة فى القطارات الا لما عرفتها حتى نظام الركاب