[فاطومه المصريه]

المشاركة الأصلية كتبت بواسطة نبيل عبدالرحمن تسلمى يا فطومة ...موضوه هام جداً ، وبصراحة مطلوب جداً جداً لأعضاء منتدى مصر للسيارات ، عارفة ليه ....؟ لأنى شفت بنفسى فى مقابلة الإفطار فى رمضان بسم الله ما شاء الله أجسام محتاجة فعلاً لهذا البرنامج . ياريت يافاطومه تعملى هذا البرنامج الإسبوعى للتخسيس ويشارك فيه كل من يرغب ويسجل وزنه أولاً بأول ، وستقوم الإدارة بتثبيت هذا الموضوع حتى يمكننا متابعة وزن بعض يعنى كل مشترك يقول وزنه كام دلوقت وبعدين عمل ايه خلال الإسبوع ،ثم وزنه الجديد أصبح كام ...وهكذا حتى يكون أعضاء المنتدى من أرشق أعضاء المنتديات الأخرى

ان شاء الله يا استاذ نبيل وحضرتك منور

المشاركة الأصلية كتبت بواسطة solidsnake شكرا جدا يا فطومة على المعلومات دى , وانا بقول شكرا على لسان اللى هينقص وزنه مقدما يعنى , لانى سبقتكم بصراحة يا جماعة كل اللى قالته فطومة تمام و ميه ميه , انا اصلا مجربة و جاب نتيجة مش هتصدقوها انا كنت فى ابريل 2009 وزنى كان 160 كيلو ايوه 160 كيلو و دلوقتى و احنا فى سبتمبر 2010 و بقالى 3 شهور ثابت على 110 كيلو( ادعولى فاضلى 20 كيلو كمان ) و المقاسات 180 درجة طبعا و احب اقول كمان لو عايز تراقب نظام الدايت بتاعك من غير ميزان كل اللى عليك انك تجيب لبس ضيق حبتين و تقيسه كل شهر او اتنين , و على فكرة ده احسن من الميزان لان احنا بنخس علشان الشكل مش علشان الوزن لان انت ممكن يكون جسمك شكله كويس بس جسمك تقيل على فكرة هو ده المطلوب اصلا لان كل ما زادت انسجة الجسم كل لما كان فى طاقة زيادة داخلة للجسم تتوزع على الانسجة دى انما لو العكس ( و هو انسجة اقل و دهون اكتر ) اى طاقة زيادة تتخزن فى شكل دهون فى الخلايا الدهنية , و ده معناه ان احنا نقلل من الدهون خالص و اهم من ده و ده المشى مش هقول رياضة المشى او الجرى بينظموا الحرق فى الجسم ( حرق الطاقة اللى جت من الاكل ) اتمنى انى اكون افدت و لو سمحتلى فطومة صاحبة الموضوع انى اشارك برايى لو حد طلب حاجة

ياريت طبعا تتابع معانا ان شاء الله
ومبروك على خسارة الوزن ويارب يكون خسارة بدون تعب وتثبت ان شاء الله بعد الوصول للوزن المناسب